Tesla Motors gefur öll einkaleyfin sín.

Elon Musk stofnandi framsæknasta bílaframleiðanda heimsins Tesla Motors, bloggaði í dag að fyrirtækið hans hafi frá gærdeginum gefið öll einkaleifin sín. Ástæðuna sagði hann vera að "Tesla Motors var stofnað til að skapa sjálfbæran ferðamáta. Ef við ryðjum brautina að sannfærandi raffarartækjum, en leggjum síðan hugverkaréttar-jarðsprengjur fyrir aftan okkur til að hægja á öðrum, þá hegðum við okkur á hátt sem er andstæður okkar markmiðum."

 

Jafnframt tók hann fram að "forskot í tækniframförum er ekki ákvarðað af einkaleyfum, sem sagan hefur endurtekið sýnt að eru sannanlega veik vörn gegn áræðnum samkeppnisaðila, en þess í stað er það geta fyrirtækis að fá til sín og hvetja hæfustu verkfræðingana. Við trúum að innleiðing hugmyndafræði opinnar uppsprettu þekkingar (open source philisophy) varðandi einkaleyfin okkar muni styrkja frekar en veikja stöðu Tesla hvað þetta varðar."

Einkaleifin sem voru gefin eru einkaleifi á þetta:

Markmiðið er grunnstefna Pírata; ekki vel launuð innivinna.

Því fleiri Pírata sem við höfum sem horfa fyrst og fremst á að gera grunnstefnuna að veruleika og hvernig þeirra styrkleikar og áhugi nýtist best í því sameiginlega verkefni, því fyrr sjáum við gagnsæi hins opinbera og beinna lýðræði á Íslandi.

Styrkleiki minn í starfi felst í að koma verkefnum af stað, skilja ferla og gera þá aðgengilega öðrum. Það hefur tekið mig svona ár að sjá stóru myndina á störfum þingmanna. Í sumar mun ég taka þessa þekkingu saman og gera aðgengilega öllum landsmönnum. Landsmenn geta þá glöggvað sig betur á störfum þingmanna og nýir þingmenn geta stytt þann tíma sem það tekur að komast inn í starfið.

Píratar eru svona fjögurra kjörtímabila verkefni. Á þeim tíma gerist tvennt. Í fyrsta lagi komast mörg grunnstefnumál okkar í lög og reglur og því minni þörf á okkur. Í öðru lagi munu aðrir flokkar taka upp stefnumál Pírata því þar er unga fylgið sem engin stjórnmálaflokkur getur lengi horft framhjá. Styrmir Gunnarsson, fyrrum ritstjóri Moggans, skrifaði grein í blaðið nýlega - Hvernig á að skilja Pírata? - þar sem hann hvatti Sjálfstæðismenn að gefa þessu gaum. Með þetta í huga er mikilvægt að undirbyggja starfið vel strax í upphafi á þann hátt að það nýtist öllum þingmönnum Pírata sem á eftir koma.

Fyrstu tvö ár þessa kjörtímabils nýtist ég til fulls við að koma verkefninu af stað. Síðari tvö árin er mikilvægara fyrir langtíma árangur Pírata að Ásta Helgadóttir varaþingmaður Pírata taki við þingstarfinu til að fara fram með þingreynslu í næstu þingkosningum. Í viðtali við New York Times nýlega sagði ráðningastjóri Google að næst mikilvægasti eiginleiki starfsmanna væri viljinn til að stíga fram og leiða hópinn þegar þess væri þörf. Jafn mikilvægt sagði hann vera að stíga til hliðar og hleypa öðrum að. Pírötum hefur gefst gæfa til að fá fólk í starfið sem horfir fyrst og fremst á að gera grunnstefnuna okkar að veruleika og láti völd og virðingarstöður ekki heilla sig um of. Slíku fólki er best hægt að treysta til að gera stjórnkerfið lýðræðislegra og stjórnsýsluna gagnsærri.

Hyggst hætta á Alþingi eftir ár

Oddviti Pírata í Kópavogi hefur komið mér skemmtilega á óvart.

Ingólfur Árni Gunnarsson oddviti Pírata í Kópavogi hefur komið mér skemmtinlega á óvart. Hann er hæglátur og einbeittur maður. Hann lætur ekki mikið fyrir sér fara. Hann bíður átekta og kemur svo sterkur inn og af þekkingu í málefnum sem Pírötum eru kær, eins og kom skýrt fram í Stóru Málin á stöð 2. Þar komst bæjarstjórinn ekkert upp með að nudda tölurnar til að láta fjárhagsstöðu sveitafélagsins líta betur út en hún er. Ingólfur Árni steig inn og bæjarstjórinn viðurkenndi í tvígang að útskýringar Ingólfs væru réttar. 

Það er mikið af mjög færu ungu fólki á Íslandi sem fær framgöngu í Pírötum. Ingólfur Árni verður flottur málsvari grunnstefnu okkar Pírata í Kópavogi. - XÞ

Aukið traust með auknu gegnsæi

Jafnrétti trúfélaga gerir okkur öruggari.

Grunnréttindin geta verið til vandræða. Fólk á það til að segja andstyggilega og móðgandi hluti um fjölskyldu okkar og vini, að ógleymdum spámönnunum. Flest erum við þó sammála að tjáningarfrelsi megi aðeins setja skorður - og þá aðeins með lögum - til að stöðva sannanleg brot á réttindum annarra. Það hefur engin rétt á því að vera ekki mógaður. Við höfum hins vegar rétt til að liggja ekki undir hótunum um líkamsmeiðingar eða verða fyrir þeim vegna orða sem æsa aðra til ofbeldis.

Ein af gagnrýninni sem múslimar fá oft er það ójafnrétti sem sumar konur þurfa að þola. Að þeir fórni jafnrétti fyrir trú sína og siði. Það er slæmur siður sama hver slíkt gerir. Það er slæmur siður að fórna jafnrétti, líka jafnrétti trúfélaga, til að hindra byggingu bænahúsa eins trúfélags umfram önnur. Við gerum ekki heimili okkar öruggari með því að rífa niður undirstöður öruggs samfélags - grunnréttindi okkar allra, þ.m.t. jafnrétti fyrir lögum.

Já grunnréttindin geta verið til vandræða, en þau gera okkur öruggari. Það tók forfeður okkar 800 ár hér á vesturlöndum að byggja þau upp. Það kostaði ómælanlega meira að byggja upp grunnréttindi okkar, en þau óþægindi sem við verðum fyrir við að varðveita þau.

Grunnstefna Pírata felst í því að vernda grunnréttindi okkar ásamt því að halda áfram vegferð forveranna við að efla þau enn frekar. Eitt af grunréttindunum er réttur allra til að koma að ákvörðunum sem þá varðar, t.d. í formi íbúalýræðis. Þau grunnréttindi eru réttilega háð sömu takmörkunum og tjáninga- og upplýsingafrelsið í grunnstefnu Pírata, að þau brjóti ekki á réttindum annarra. Íbúakosning um að takmarka réttindi eins tiltekins trúfélags eru brot á réttindum sem Píratar munu ekki styðja. Að sjálfsögðu getur Alþingi með lögum afturkallað forréttindi trúfélaga á borð við ókeypis lóðir og skattfríðindi. En þá skal það sama ganga yfir öll trúfélög og lög til skerðingar réttinda fólks eru ekki afturvirk.

Eldhúsdagur: "Takk fyrir móttökurnar."

 

Makar Íslendinga settir í hættu.

Izekor er gift Íslendinginum Gísla Jóhanni og hún er í hættu sé henni vísað úr landi. Ef það nægir ekki starfsmönnum Útlendingastofnunnar sem ríkar sanngirnisástæður til að veita undanþágu, þá heimila lögin Innanríkisráðherra að setja reglur sem veita undanþágu. Ábyrgðin er skýr. (sjá lögin að neðan):

Í lögum um útlendinga 10. gr. segir:
"[Með fyrirvara um ákvæði 45. og 46. gr. skal útlendingur sem sækir um dvalarleyfi í fyrsta skipti sækja um leyfið áður en hann kemur til landsins og er honum óheimilt að koma til landsins fyrr en umsóknin hefur verið samþykkt.]1) Frá þessu má víkja ef ríkar sanngirnisástæður mæla með því eða samkvæmt reglum sem [ráðherra]2) setur."

 

Þeir sem tefja þingstörfin eru verðlaunaðir.

 

Hef undanfarið verið að leita annarra leiða en málþófs til að fá í þinglega meðferð mál sem almenn sátt er um hjá þingflokkum og varða hagsmuni meirihluta landsmanna, en eru ekki lögð fram af ráðherrum. Þingmenn allra flokka sem ég hef rætt við nefna það grímulaust að málþóf sé málið þegar skapa þarf stöðu til að fá málin sín afgreidd í þinginu. Þeir eru sammála um að það sé leiðinlegt og tímasóun en það virkar. 

Landsmenn eru orðnir langþreyttir á þessu og vantraustið á Alþingi samkvæmt skýrslu Félagsvísindastofnunnar Háskóla Íslands er m.a. tilkomið vegna þess að " vinnulag á þingi einkennist af aðgerða- og getuleysi þingmanna til að fylgja eftir og klára mál" en jafnframt vegna þess að "málþóf er á kostnað samvinnu og þess að unnið væri markvisst að málum með hagsmuni þjóðarinnar að leiðarljósi." 

Það er ósk margra þingmanna í minni- og meirihluta að við getum sameinast um að mál frá öllum flokkum sem varða ríka almannahagsmuni og almenn sátt ríkir um fái greiða afgreiðslu í þinginu. En eftir að hafa lesið lögin um þingsköp ásamt öðrum leikreglum þingsins og rætt við aðra þingmenn þá styrkist ég í trúnni um að þetta vinnulag á þingi mun ekki breytast fyrr en formenn flokkanna og þingforseti, sem ráða þessu, sammælast um það.

Tvennt er mér ljóst eftir þessa leit:

1. Þeir sem stjórna dagskrá þingsins verðlauna þá sem tefja þingstörfin.
2. Þingmenn hafa aðrar leiðir en málþóf til að tefja ótímabundið störf þingsins.

Staðsetning flugvallarins varðar alla landsmenn.

Einn hornsteina grunnstefnu Pírata er að allir hafa rétt til að koma að ákvarðanatöku um málefni sem varða þá.

Skattfé allra landsmanna rennur í uppbyggingu nauðsynlegrar þjónustu hins opinbera í höfuðborginni (s.s. heilbrigðisþjónustu). Ákvarðanir um aðgengi að þeirri þjónustu varðar því alla landsmenn sem eiga því að hafa rétt til að koma að þeirri ákvörðun. Í stefnu Pírata í Reykjavík segir því að nauðsynlegt sé að ákveða framtíðarstaðsetningu flugvallarins í eins víðtækri sátt höfuðborgarsvæðis og landsbyggðar og kostur er á.

71,2% Reykvíkinga vilja völlinn áfram

The Economist: Þóríum kjarnorkuver að veruleika.

Þóríum er geislavirkur málmur sem kjarnorkuáætlun Bandaríkjanna sagði skilið við sökum þess hve erfitt var að búa til kjarnorkusprengjur úr honum, eins og The Economist greinir frá í vikunni. Sá eiginleiki ásamt mörgum öðrum gerir Þóríum að miklu betri valkosti til framleiða rafmagn en Úraníum. Í vöruhúsum víðsvegar um heiminn eru til Þóríum byrgðir til að framleiða rafmagn sem samsvarar núverandi þörft heimsins næstu þrjár aldirnar. Indland og Kína hafa komið á fót áætlun til að búa til Þóríum kjarnorguver til raforkuframleiðslu á næstu árum og gera það arðbært á næstu áratugum.

Samanburður á Þóríum og Úranínum til raforkuframleiðslu:
Framboð: Þóríum er miklu algengara, ódýrara og dreyfðara um heiminn en Úraníum. Til eru margra alda byrgðir af málminum í vöruhúsum í dag.
Vinnsla: Þóríum er málmur sem er hættulaust að halda á með berum höndum, svo vinnsla og fluttningur er hættuminni en á Úraníum. Það þarf ekki að vinna Þóríum í skilvindum, því það sem kemur úr málmgrítinu klofnar 100%, samanborið við 0.7% af Úraníum. 
Brennsla: Þarf ekki kjarnorkuver sem heldur vatni undir þrýstingi sem skapar mengunarhættu. Hægt að skipta út eldsneytinu meðan kjarnaofninn vinnur. Auðvelt að slökkva á verinu ef eitthvað fer úskeiðis.
Úrgangur: Brennur nánast alveg upp og skilar því frá sér 100 sinnum minni úrgangi, sem er geislavirkur í árhundruð í stað milljónir ára.

Tími frá útgáfu að umræðu um skýrslur á þingi.

Um eftirlitsstörf Alþingis segir í 49. gr. þingskaparlaga: "Alþingi, þingnefndir og einstakir alþingismenn hafa eftirlit með störfum framkvæmdarvaldsins." Ákvæðinu er ætlað að uppfylla 14. gr. stjórnarskrárinnar. Til að sinna þessu stjórnarskrárbundna eftirlitshlutverki hafa þingmenn og þingnefndir m.a. heimild í þingsköpum til að kalla eftir skýrslum og fá umræðu um þær í þinginu. Til að eftirlitshlutverkinu sé sinnt með sóma þurfa þingmenn að geta kynnt sér efni skýrslu vel fyrir umræðu í þingsal. Það eru því óvönduð þingsköp sem heimila þingforseta að setja langar og ítarlegar rannsóknarskýrslur á dagskrá degi eftir birtingu. Flutningsmenn vilja með þessu frumvarpi laga þá brotalöm og bæta þannig störf Alþingis.

Á mannamáli: 
Alþingi kallar eftir skýrslu til að hafa eftirlit með stjórnvöldum sem hafa húsbóndavald yfir þingforseta sem setur skýrsluna sem fyrst undir stól. Stay classy Alþingi :)

En á þessu er einföld lausn og hafa þingmenn allra minnihlutaflokkanna á þingi lagt fram lagafrumvarp um að "ekki skal taka lokaskýrslu rannsóknarnefndar til umræðu í þinginu fyrr en í fyrsta lagi þremur nóttum eftir birtingu hennar."