Eygló Harðar lýsir sig vanhæfa í máli HH.

Hagsmunasamtök Heimilanna (HH) kærðu fyrir fimm mánuðum útfærslu verðtryggingar neytendalána hjá Íbúðalánasjóði (ÍLS). Málinu var úthlutað dómara fyrir þremur mánuðum og ÍLS biður þá um að málinu sé vísað frá dómi. Þegar taka átti fyrir frávísunarkröfuna þá lýsti dómari sig vanhæfan sökum þess að hann væri með verðtryggt lán hjá ÍLS. HH vísa í sambærilegt mál hjá EFTA dómstólinum þar sem Páll Hreinsson, sem er dómari í tveimur málum er bæði varða lögmæti verðtryggingar, væri ekki vanhæfur þrátt fyrir að hann hafi sjálfur tekið vísitölubundin lán með veði í húseign sinni.

 

Klukkan tifar og fimm mánuðir eru fram í september, en þá hverfur skjólið sem Hanna Birna skapaði um jólin; skjól fyrir því að heimili landsmanna séu seld á nauðungarsölu. Hanna Birna hefur líka tryggt flýtimeðferðina á dómsmálum er varða verð- og gengistryggingu. En nú lýsir Eygló húsnæðismálaráðherra sig vanhæfa til að taka þátt í að flýta þessum málum eins og hægt er. Hún hefur sem húsnæðismálaráðherra heimild til að fá yfirstjórn ÍLS til að falla frá frávísuninni á máli HH. En hún lýsir sig vanhæfa til þess af því að hún er félagi í HH og hafi stutt félagið með fjárframlögum. 

Í stefnuyfirlýsingu ríkisstjórnar Framsóknarflokksins og Sjálfstæðisflokksins segir: "Unnið verður að því að dómsmál og önnur ágreiningsmál, sem varða skuldir einstaklinga og fyrirtækja, fái eins hraða meðferð og mögulegt er. Óvissu um stöðu lántakenda gagnvart lánastofnunum verður að linna." En Eygló segist vera vanhæf til að vinna að því að dómsmál sem varða skuldi einstaklinga fái eins hraða meðferð og mögulegt er. Ef óvissan um stöðu lántakenda gagnvart ÍLS verður enn til staðar þegar nauðungarsölur heimilanna hefjast í haust þá vitum við hver ber hluta af þeirri ábyrgð.

Facebook póstur frá formanni Hagsmunasamtaka Heimilanna:

Verkfallsrétturinn er stjórnarskrárvarinn.

Verkfallsrétturinn er stjórnarskrárvarin og aðeins má á hann ganga með lögum í þágu almannaheilla og þjóðaröryggis (samkvæmt Mannréttindasáttmála Evópu) eða vegna ríkra almannahagsmuna eða efnahagslegrar vá (samkvæmt Hæstarétti Íslands).

Hvernig ber löggjafanum að túlka þessi orð:
1. Ríkir almannahagsmunir? 
2. Efnahagsleg vá?

Ræða fyrir nefndarfund:

 

Ræða eftir nefndarfund:

Skuldaleiðréttingin: Kosningaloforð og efndir XD.

Ef við gætum fyllstu sanngirni þá er frumvarpið um séreignarsparnað og ráðstöfun hans til greiðslu húsnæðislána og húsnæðissparnaðar (þ.e. skuldaleiðréttingar frumvarp Sjálfstæðisflokksins) mjög nálægt kosningaloforði flokksins fyrir kosningar. Sjá stefnuskrá XD fyrir kosningar 2013:

Meira um menntun og upplýsingatækni.

"Nettengdar lausnir geta í dag aðstoðað kennara við að spá fyrir um námsárangur og áhuga nemenda. Þá geta slíka lausnir einnig haldið nemendum áhugasömum með námsefni sem hentar hverjum og einum. Nettengdar námslausnir geta þannig bætt námsárangur ásamt því að lækka kostnað með auknu aðgengi, einstaklingsmiðaðra námi og betri yfirsýn kennara, skólastjórnenda og annarra sem hlut eiga að máli. " - Úr Greinargerð starfshóps um hagnýtingu internetsins í þágu nýsköpunar og atvinnuþróunar, og byggt m.a. á 8.kafla menntaskýrlu World Economic Forum um menntun í gegnum netið.

 

 

Fljótleg og farsæl leið að afnámi hafta.

Til að flýta fyrir farsælu afnámi gjaldeyrishafta er mikilvægt að þingið geri það mál ekki að pólitísku bitbeini. Staða okkar er sterk og er það m.a. síðustu ríkistjórn að þakka. Starfið gengur vel í dag hjá núverandi stjórnvöldum. Það er hagur allra landsmanna að standa saman við að afnema höftin. Nálgumst það mál launsamiðað og gerum gagn.

 

Framsókn opnar á sumarþing.

Umhverfisráðherra bætist í hóp þingflokksformans Framsóknar sem opnar á sumarþing. Áður hef ég bloggað um ánægju mína með tillöguna. Það mun veita þingmönnum meiri tíma til að vinna þingmál allra flokka faglega í þinginu í stað þess að gera það á hundavaði eins og venjan er, svo þingmenn komist eins og kálfar úr fjósi í fjögurra mánaða sumarfrí.

 

 

'Track Changes' á þingskjölum.

Í starfinu sem þingmaður hefur verið áberandi skortur á aðstoð við að koma sér inn í starfið, eins og von er á. Í vel reknu fyrirtæki eða ríkisstofnun er nýjum starfsmanni komið inn í starfið og hann studdur við að skilja króka þess og kima. Þessu er ekki að skipta í þinginu. Á þekkingu byggjast völd og hvers vegna ætti meirihlutinn (eða réttar sagt yfirstjórn meirihlutans), sem skipar forseta þingsins sem svo ræður og rekur skrifstofustjóra þess, að efla þingmenn umfram það sem hægt er að komast hjá?

En þegar það er gert opinbert (sem er á færi þingmanna) að yfirstjórn þingsins vinsamlegast bregðist við beiðni um bættari framsetningu á þingmálum svo allir þingmenn og aðrir landsmenn geti hæglega séð hvaða breytingar frumvörp og breytingartillögur gera á frumtextanum, þá verður svarið vonandi jákvætt. Beiðnin sem ég sendi fyrir svona mánuði er í vinnslu hjá yfirstjórn þingsins. Læt ykkur vita hvernig fer.

 

 

Almenningur vill efla lýðræðið.

Grundvallar atriði í grunnstefnu Pírata er að "allir hafi rétt til að koma að ákvarðanatöku um málefni sem varða þá." Við búum enn við fulltrúalýðræði sem komst á þegar flestir voru ómenntaðir og illa upplýstir, og ferðalög á löggjafarsamkundur var aðeins á fárra færi. Í dag er almenningur oft betur upplýstur en kjörnir fulltrúar og fullfær um að koma að ákvarðanatöku um málefni sem hann varðar.

Fulltrúalýðræðið er hægt að breykka. Hvers vegna kjósum við ekki borgarstjóra beint? Hvað með yfirstjórn RÚV, getur fréttafluttningur þar verið óhlutdrægur með stjórn skipaða af stjórnvöldum? Ef valdið er raunverulega kjósenda hvers vegna hafa þeir þá ekki stjórnarskrárbundin rétt til að kallað eftir þjóðaratkvæðagreiðslu um þingrof og nýjar kosningar? Þetta allt gerlegt og gagnlegt en ég sé ekki mikla kröfu almennings að fara í þessa átt.

Þátttökulýðræði er hægt að efla. Í því felst að almenningur geti komið að ákvarðannatökuferlinu með ýmsum hætti umfram það að kjósa fulltrúa. Í rafrænu þátttökuvísitölu Sameinuðu Þjóðanna situr Ísland í 84 sæti. Þessi krafa á eftir að aukast með meiri almennri rafrænni þátttöku almennings á öllum sviðum.

Beint lýðræði er hægt að dýpka. Eina leiðin í dag fyrir kjósendur að koma beint að beytingu almannavaldsins er að frumkvæði forseta landsins. Í þjóðaratkvæðagreiðslunni 20 október 2012 var vilji kjósenda skýr. 63,4 % kjósenda vildi að í nýrri stjórnarskrá verði ákvæði um að tiltekið hlutfall kosningarbærra manna geti krafist þess að mál fari í þjóðaratkvæðagreiðslu. Mikill meirihluti landsmanna vill núna þjóðaratkvæðagreiðslu um áframhald aðildarviðræðna við Evrópusambandið. Krafan um að stór mál fari í þjóðaratkvæðagreiðslu er komin til að vera. Það er kominn tími til að binda rétt kjósenda til að krefjast þeirra í stjórnarskrá.

"Skopstæling" Henry Þórs á núverandi stjórnkerfi landsins:

Menntun: frá færibandi, til færni hvers og eins.

Í skýrslu World Economic Forum í janúar er útskýrt hvernig nýsköpun í nettengdri menntun getur bætt námsárangur og aukið aðgengi ásamt því að lækka kostnað. Tækifæri til verðmætasköpunar og sparnaðar er líka mikill því meira fé er varið í menntun en í allan annan upplýsingaiðnað samanlagt.

Nettengdar námslausnir geta í dag:

 

1. veitt kennururm og skólastjórnendum nákvæma mælanlega yfirsýn á gæði námsefnis, áhuga og þekkingu nemenda. Þetta minnkar skriffinsku sem ásamt því að spegla kennslu losar um tíma sem kennarinn getur notað til að aðstoða nemendur beint.

- Minni skriffinska og undirbúningur.

- Meiri nákvæmni á námsárangri og meiri kennsla fyrir minni kostnað sem skapar svigrúm til að hækka laun kennara.

 

2. haldið nemendum áhugasömum með einstaklingsmiðuðu námsefni sem hentar hverjum og einum hverju sinni.

Nettengdar námslausnir geta þannig aukið áhuga og bætt námsárangur sem minnkar brottfall og fjölgar þeim sem ljúka námi á tilsettum tíma.

- Minni sóun á tíma nemenda með námsefni og námslausnum sem virka ekki fyrir þá og leiða til námsleiða.

- Meiri áhugi og árangur nemenda sem fara fyrr og færari út í líf og starf að námi loknu.

 

Hve fljótt lönd uppskera þá aukna hagsæld sem upplýsingatækni í menntun veitir í dag veltur á því hve fljótt:

1. námsefni viðurkenndra skóla á netinu er metið til eininga,

2. aðgengi nemenda og kennara að nettengdri upplýsingatækni er tryggð og
3. kennsla í tölvulæsi til að hagnýta upplýsingatæknina er veitt bæði nemendum og kennurum.

 

Heimild kafli 8 "Online Education: From Novelty to Necessity (linkur á kaflan með mínum glósum)" í skýrlsu World Economic Forum um menntun frá því í janúar "Education and Skills 2.0: New Targets and Innovative Approaches"

Upplýsingatæknin í menntun í dag býður nemendum og kennurum upp á gæði menntunar og starfsumhverfi sem aldrei í sögunni hefur verið í boði fyrr.
Mentor og Skema eru dæmi um íslensk fyrirtæki sem eru mjög framarlega á sviði nettengdra námslausna í dag og hafa haslað sér völl á alþjóðamarkaði.

 

Einn ástsælasti menntafræðingur heimsins, Sir Ken Robinsson, bendir hér snilldarlega á leiðina frá færibanda menntun í átt að einstaklingsmiðaðri menntun sem byggir á áhuga og færni hvers og eins nemenda. 11 milljón manns hafa horft á þetta myndskeið:

 

Skema, íslenskt fyrirtæki sem leikjavæðir nám í forritun, er farið að hasla sér völl fyrir utan landssteinana.

 

 

InfoMentor, íslenskt fyrirtæki á alþjóðamarkaði með nettengdar námslausnir, opnar í Bretlandi við ræðu Forseta Ísland.

 

Vilja stjórnarherrarnir sumarþing?

Mér er sagt að í reglubók Davíðs Oddssonar, sem var einn klárasti stjórnmálamaður Íslandssögunnar, sé klausan: "Því minna sem þingið kemur saman því betra fyrir stjórnvöld." Klárlega. Því flestar heimildir þingmanna til að hafa eftirlit með framkvæmdavaldinu er aðeins hægt að beita þegar þingið starfar. 

Sem þingmaður Pírata fagna ég því þegar stjórnarþingmenn opna á þann möguleika að hafa sumarþing. Meira en það þá mun ég kalla eftir því í stað þess að klára mál á hundavaði í vor. Mig grunar að stjórnarherrarnir taki ekki undir þá tillögu.

Ekki stefnt að sumarþingi