og Davíð kemur þjóðararfinum til fjölþjóðafyrirtækja

Frá því að Davíð Oddsson var forsætisráðherra hefur hann, meðvitað eða ómeðvitað, fylgt IMF handbókinni hvernig skuli koma þjóðararfinum til fjölþjóðafyrirtækja.

Sem forsætisráðherra einkavæddi hann bankana og skar hausinn af tveimur eftirlitsstofnunum efnahagslífsins, Þjóðhagsstofnun og Samkeppnisstofnun.

Sem seðlabankastjóri braut hann niður bindiskyldu"flóðgarðinn", í stað þess að hækka hann, svo ódýrt fjármagn blés út bankana og sökkti landinu í skuldum og verðbólgu. Þegar fólk og fyrirtæki fóru að sökkva setti hann stýrivaxtasnöruna um háls þeirra og sagði: "Nú verð ég að toga til að bjarga ykkur!"

Davíð stóð í brúnni á þjóðarskútunni og slökkti á stofnun sem færði okkur veðurfréttir efnahagslífsins áður en hann reif niður bindiskyldu-varnargarðinn svo ódýrt fjármagn skall á okkur með skuldum og verðbólgu, og gerði okkur berskjölduð fyrir heimsstorminum. Davíð er ekki lengur treystandi í brúnni.

Til að fækka frekari áföllum og komast sem fyrst út úr kreppunni þarf GEIR H. HAARDE að nota það vald sem við fólum honum í okkar þágu og reka VIN SINN Davíð Oddsson.

 

Lesa meira: Stýrivaxta-Snara Dabba og IMF handbókin

 

Kreppan getur dýpkað

Athugasemdir

[Rakel Sigurgeirsdóttir, 14.1.2009 kl. 00:39]

Ég ætla ekkert að mótmæla þér en langar samt til að spyrja: „Hvað græðir Davíð á því?“

[Jón Þór Ólafsson, 14.1.2009 kl. 01:38]

Þú spyrð hvaða ástæðu hefðu hann til að gera það meðvitað.

Ég tel að Davíð vilja að sín sé minnst með hlýhug, svo hafi hann gert þetta viljandi þá tel ég að hann hafi verið nauðugur viljugur. Alþjóðafyrirtæki eru glæpsamleg þegar þau vilja komast í auðlindir og það er hægt að ná taki á öllum (í New York Times best seller bókin "Confessions of an Economic Hitman" lýsir innanbúðarmaður hvernig hann fór að).

Líklega gerði hann þetta óviljandi. Það er ekki erfitt fyrir alþjóðlegu bankaelíturnar að heilla og hafa áhrif á lítinn stjórnmálamann frá Íslandi þegar honum er boðið til borðs á Bilberberg fundi þeirra. Sjá hér.

[Rakel Sigurgeirsdóttir, 14.1.2009 kl. 01:49]

Takk fyrir svarið sem ég túlka einhvern veginn þannig að Davíð nægir ekki Ráðhúsið í Peykjavík og Perlan í Öskjuhlíðinni sem minnisvarðar um sjálfan sig. Er það nokkur oftúlkun?

[Jón Þór Ólafsson, 14.1.2009 kl. 02:14]

Ég held hann vilja að sín sé minnst sem traustum pólitíkus með listamans ljóma sem sigldi með okkur til farsælar framtíðar, en ekki að feigðarósi eins og kom á daginn. Svo ég tel ekki að hann hafi gert þetta viljugur, nema þá nauðugur viljugur.

Hér er linkur á frétt á CNN um Bilderberg hópin þar sem bankaelítumenn á borð við David Rockafeller (höfuð líklega ríkustu bankafjölskyldu í heimi) bjóða valdamesta fólki á vesturlöndum til lokaðs fundar þar sem rætt er hvert heimurinn skuli stefna, og ungir pólitíkusar sem líklegir eru til að ná stjórnartaumunum í sínu ríki eru heillaðir og áhrif haft á þá.

Davíð Oddssonvar fyrst boðið fyrst á Bilderberg fund árið 1987, snemma á síðara kjörtímabili hans sem borgarstjóri. Endalíklegur til stórræða, eins og kom á daginn þegar hann fyrst varð forsætisráðherra 1991. Sem forsætisráðherra mætti hann fimm sinnum á þessa fundi, á árunum 1991, 1992, 1994, 1997, 1999. Sjá hér