Ófaglegt að bleyta mótmælenda, en beiting ofbeldis var réttmæt

Það er góð grunnregla að faglega sé staðið að því að meta réttmæti þess þegar ofbeldi hefur verið beitt. Ég bað því um að forseti Alþinis myndi rannsaka málið og hann lét sýna okkur á fundi forsætisnefndar myndbandið úr öryggismyndavél þingsins. Þar sést skýrt að mótmælandi veitist að öryggisverði þingsins sem reynir að ná honum af sér bakkandi all langa leið þar til hann snýr mótmælendan af sér.

 

Ég bað um að öryggismyndbandið væri gert opinbert því það myndi taka af um öll tvímæli og gefa öryggisverðinum uppreisn æru með því að sýna réttmæta beitngu ofbeldisins. Skrifstofa Alþingis segir að þeir hafi ekki lagaheimild til að afhenda neinum myndböndin nema lögreglu ef málatilbúnaður verður úr þessu. Kalt mat mitt er að mótmælandinn mun ekki kæra því hann veittist að þingverðinum.

 

Hins vegar eru það ekki fagleg vinnubrögð til að tryggja öryggi að sprauta köldu vatni á krítar-mótmælendan sem á engan hátt ógnar öryggi neinns. En það er einmitt eftir að sprautað hefur verið á krítar-mótmælendan oftar en einu sinni að hin umræddi mótmælandi reynir að grípa slönguna af þingverðinum og er snúin niður.

 

Mótmælendur voru að ögra. Klárlega. En það gera sumir mótmælendur og er löglegt. Fagleg vinnubrögð öryggisvarða og lögreglu almennt við slíkar kringumstöður er að halda ró sinni og hafa öryggi í forgangi. Að sprauta á mótmælendur sem ógna ekki öryggi neins getur gert aðstæður sem þessar óöruggari. 

 

Hér með frétt á Visir.is er myndskeið. 

Að neðan er svo myndskeið þar sem aðeins sést í lok átakanna:

Eðlileg viðbrögð þingvarðar

Góð regla að meta réttmæti þegar ofbeldi er beitt

Bréf mitt til forseta Alþingis og forsætisnefnd í heild: 

Hr. Einar K. Guðfinnsson forseti Alþingis.

Öryggisvörður Alþingis er í fréttum fyrir að beita mann ofbeldi fyrir utan Alþingishúsið. Fjölmiðlar hafa birt myndbandsupptökur af atburðinum. Öryggisverðir geta starfsins vegna þurft að beita ofbeldi, svo mikilvægt er að faglega sé staðið að því að meta réttmæti þess þegar ofbeldi hefur verið beitt. Óskað er eftir því að forseti Alþingis sem yfirmaður starfsmanna þingsins rannsaki málið. Í anda faglegra vinnubragða er jafnframt óskað eftir því að forsætisnefnd fari yfir málið og hafi þá m.a. til hliðsjónar gildi skrifstofu Alþingis: 'Þjónustulund, Fagmennska, Samvinna' og hæfniskröfur öryggisstarfsmanna Alþingis s.s. hæfni í mannlegum samskiptum og fáguð framkoma.

Myndbandsupptöku af atburðinum er hægt að sjá í frétt á Stundinni:
http://stundin.is/frett/myndband-thingvordur-sneri-motmaelanda-/

Hér er myndbandisupptakan á YouTube:
https://www.youtube.com/watch?v=13pgJAOdZaQ​

„Ólíðandi“ vinnubrögð þingvarða

Mikilvægt að Bjarni Ben sjái áfram um afnám hafta

Bjarni Ben hefur sem fjármálaráðherra verið með hafnám hafta í faglegu ferli. Markmiðið hefur verið að finna leið sem tryggir efnahagsstöðuleika og réttarstöðu landsins í þeim vandasömu aðgerðum. Það eru miklir hagsmunir í húfi og sem verkstjóri hefur Bjarni sýnt mikilvæga fagmennsku og yfirvegun. 

Nú hefur Sigmundur Davíð skyndilega tekið við verkstjórninni. Ekki vanmeta freistingar sitjandi forsætisráðherra að fara í stríð til að auka fylgið. Hvatvísi og ósveigjanleiki geta verið góðir eiginleikar við viss verkefni. Við afnám hafta er mikilvægt að Bjarni Ben standi áfram fastur á því að verkefninu sé stýrt af fagmennsku og yfirvegun.

Hugleiðsla verður hversdagsleg eins og líkamsrækt

Vísindin munu gera hugleiðslu að hversdagslegum þætti í lífi okkar rétt eins og líkamsrækt og tannhirða. 

Við munum ekki öll fara að stunda hugleiðslu, ekki frekar en aðra holla hegðun, en vísindarannsóknir frá virtum háskólum eins og Harvard og Yale sem sýna verulega jákvæð áhrif hugleiðslu á líkamann og heilann, líðan og starfsgetu, hrannast upp.

Það er því ekki langt í að allir vita að þeir ættu að hreyfa sig reglulega, bursta tennur kvölds og morgna, og hugleiða.

Frosti Logason í Harmageddon er með góðu hugvekju um málið í Fréttablaðinu í dag.

Hægrafólk er hlynnt endurskoðun höfundaréttar

 

Ef lagaúrræðum höfundarréttar sem samin voru fyrir tíma upplýsingabyltingarinnar er framfylgt að fullu í dag þá þarf ríkið að njósna um alla netumferð og setja upp tálma á internetinu. Endurskoðun höfundarréttar snýst um verndun og eflingu bogararéttinda sem er megin markmið grunnstefnu Pírata.

Það er því þörf á nýju jafnvægi í nettengdum heimi milli höfundaréttar annars vegar og grunnréttindanna um friðhelgi einkalífsins og upplýsingafrelsi hins vegar. Þessi afstaða er að verða almennt viðtekin hjá fólki í dag sem staðsetur sig til hægri í pólitík, eins og CATO Institude í Bandaríkjunum, og þá sér í lagi hjá því frjálshyggjufólki sem vill ekki fórna svona mikið af öðrum grunn borgararéttindum fyrir höfundarrétt á sama tíma og frjálst framtak er að leysa þetta vandamál.

Tölvuleikjaframleiðendur sem þekkja netheima betur en aðrir höfundarrétthafar hafa þróað ný viðskiptalíkön sem tryggir arðbærni þó að hægt sé að ná í tölvuleiki ólöglega á internetinu. Tónlistariðnaðurinn er á góðri leið með að útrýma ólöglegu niðurhali með Spotify og öðrum tónlistarveitum á netinu. Myndefnisiðnaðurinn er styttra á veg kominn, en Netflix er farið að varða eina leið og viðskiptalífið munu finna fleiri ný og arðbær viðskiptalíkön þar líka.

Píratar setja því á oddinn nauðsynlegar varnir fyrir friðhelgi einkalífsins og upplýsingafrelsi í nettengdum heimi, í þessari mestmegnis varnarbaráttu gegn skaðlegri blindni íhaldssamra stjórnmálamanna, þar til frjáls markaður finnur lausnir þar sem höfundarrétthafar fá greitt án þess að ríkið njósni um alla netumferð og reisi tálma á internetinu.

Píratar „venjulegur vinstriflokkur“

Gegnsæi og lýðræði lífeyrissjóða í lög.

Á meðan við erum skylduð lögum samkvæmt til að greiða í lífeyrissjóði þá er það gerræði að við sem sjóðsfélagar fáum ekki á sama tíma réttindi í lögum að fá allar upplýsingar um það hvernig okkar fé sé fjárfest og að kjósa stjórnir lífeyrisjóðanna okkar beinni kosningu.

Sölvi hætti að greiða í lífeyrissjóð

Þingsályktanir verða þá aftur bara bænaskjöl.

Í lögfræðilegri samantekt skrifstofu Alþingis um gildi þingsáyktana Alþingis í upphafi þessa kjötímails segir að ályktannir Alþingis séu bindandi fyrir ríkisstjórnina þó þær séu ekki lagalega bindandi. Það er því ekki lögbrot að fylgja ekki ályktunum þingsins en það er brot á stjórnskipan landsins.

Vert er að undirstrika að allar ályktanir sem þingið hefur samþykkt og hafa ekki verið formlega afturkallaðar með nýrri ályktun teljast vera í gildi, eins og kemur fram í samantektinni og Forseti Alþingis hefur staðfest.

Jafnframt segir að ef ríkisstjórnin eða ráðherra hyggst ekki fylgja eftir ályktun þingsins beri þeim að eiga frumkvæði að því að upplýsa Alþingi um það með skýrslu ráðherra um afstöðu ríkisstjórnarinnar og ef breyta á málsmeðferðinni þá skuli leita afstöðu meirihluta þingsins með nýrri þingsályktun. Svo vanræksla krefst skýrslu en breytt málsmeðferð krefst nýrrar þingályktunnar.

Í umsóknar ályktun Alþingis frá 2009 segir: "Alþingi ályktar að fela ríkisstjórninni að leggja inn umsókn um aðild Íslands að ESB og að loknum viðræðum við sambandið verði haldin þjóðaratkvæðagreiðsla um væntanlegan aðildarsamning. Við undirbúning viðræðna og skipulag þeirra skal ríkisstjórnin fylgja þeim sjónarmiðum um verklag og meginhagsmuni sem fram koma í áliti meiri hluta utanríkismálanefndar." En í því áliti í kafla um formlegar samningaviðræður segir m.a. um skipulag viðræðna að: "Aðilar skiptast á samningsafstöðu þar til sameiginleg niðurstaða hefur náðst þannig að loka megi viðræðum með formlegum hætti, kafla fyrir kafla." Þetta hefur ríkistjórnin vanrækt sem hún hefur heimildir til að gera en aðeins ef hún upplýsir Alþingi um það með skýrslu sem hefur ekki verið gert.

En með bréfi Utanríkisráðherra til yfirstjórnar Evrópusambandsins segir að ríkisstjórnin líti svo á að rétt sé að ESB lagi verklag sitt að bjargfastri afstöðu ríkisstjórnar Ísland að ekki skuli líta á Ísland sem umsóknarríki ESB. Í viðtali við fréttastofu RÚV sama dag segir Utanríkisráðherra: „Við teljum að þessu máli sé lokið og ef menn vilja sækja um að nýju þá verði að leita til þjóðarinnar.“ En ef sækja þarf um að nýju þá hefur aðildarviðræðum verið slitið. Enda ef yfirstórn ESB verður við tilmælum ríkisstjórnar Íslands og taki Ísland út sem umsóknarríki í verklagi sambandsins þá hefur aðildarviðræðum verið slitið. Þetta er þvert á ályktun Alþingis. En slíkt er breytt málsmeðferð sem krefst nýrrar þingsályktunnar samkvæmt lögfræðilegri samantekt skrifstofu Alþingis. Annað er brot á stjórnskipan og þingræðisvenju Íslands þó að það sé ekki lögbrot.

Ef ríkisstjórnin kemst upp með að breyta málsmeðferð í þessu máli án nýrrar þingályktunar þá eru þingsályktanir ekki lengur bindandi fyrir ráðherra eins og skrifstofa Alþingis vill meina. Þá eru þingsályktanir aftur orðnar lítið meira en bænaskjöl til konungs. Þingsályktanir sem í dag eru í gildi væru þá í uppnámi. Forseti Alþingis og varaforsetar í forsætisnefnd bera ábyrgð á því hve lengi þessi óvissa varir. Því fyrr sem þeirri óvissu er eytt því betra.

Innanríkisráðherra skoðar að framlengja frest á nauðungarsölum

Frumvarp Pírata um sannleiksskyldu ráðherra

Með þessum breytingum á lögum verður sannleiks- og upplýsingaskýlda ráðherra gagnvart Alþingi skýr. Tillagan er einfaldlega að ráðherrar séu lagalega ábyrgir fyrir því að með ásetningi eða stórkostlegu hirðuleysi að grafa undan lögbundnu hlutverki Alþingis að hafa eftirlit með framkvæmdavaldinu.

Lagt fram á 144 þingi.

Viðbót við bloggið 20. okt. 20015:
Lagt fram aftur á 145 þingi.

Aðhald almennings með valbeitingu lögreglu er mikilvægt

Það er mikilvægt að almenningur geti veitt þeim aðhald sem fara með framkvæmdarvaldið, og sér í lagi þegar framkvæmdarvaldið beitir ofbeldi, sem það þarf vissulega og réttilega að gera við vissar kringumstæður en einmitt þess vegna þarf almenningur að vita hvar mörkin liggja og geta veitt aðhald. Þess eru dæmi að lögreglan brjóti réttindi almennings til að fá tafarlaust að vita ástæður handtöku sem varin eru bæði í lögreglulögum (16.gr.2.mgr) og stjórnarskrá (67.gr). Gera þarf valdbeitingarheimildir lögreglur opinberar svo landsmenn geti veitt laganna vörðum mikilvægt aðhald. - Smellið hér fyrir alla umræðuna.

Vinnureglur lögreglu verði aðgengilegar