Kjósum að leiðrétta höfuðstól húsnæðislána - XO -

Dregur saman með flokkunum

AUTT atkvæði er DAUTT - Kjósum flokksræðið burt!

S- og V-listar bæta heldur við

AUTT atkvæði er DAUTT - Kjósum spillinguna burt!

Margir ætla að skila auðu

Borgarahreyfingin rýfur 5% múrinn.

Þrátt fyrir að fjórflokkurinn sé vel innmúraður með 5% reglunni og þrátt fyrir að hann sé vel múraður af skattfé almennings til að auglýsa sig (fjórflokkurinn skammtar sér hátt í hálfan milljarð af okkar skattfé), er Borgarahreyfingin búin að brjótast í gegnum hræðsluáróðurinn upp í 7% fylgi.

Borgarahreyfingin spratt upp úr Búsáhaldabyltingunni sem tókst að koma Fjármálaeftirlitinu, ríkisstjórninni og Seðlabankastjórninni frá. Til að geta byggt hér upp heilbrigt samfélag eftir hrunið stefnir Borgarahreyfingin inn á þing sem þrýstihópur með þrjár megin áherslur:

1. GERA UPP VIÐ SPILLTA FORTÍÐ:

Hvers Vegna?
Ef við byggjum á spilltum grunni verður öllu stolið af okkur aftur.

Hvernig?
Óháð rannsókn undir stjórn erlendra sérfræðinga skal rannsaka bankahrunið sem sakamál og þeir ábyrgu verða dregnir til ábyrgðar. Þeir sem liggja undir grun verður gefið stöðu sakbornings og eignir þeirra frystar samstundis. Samkvæmt ráðleggingu Evu Joly ráðum við 20 til 30 manna hóp sérfræðinga í alþjóðlegum efnahagsbrotarannsóknum.

Hvenær?
Raunveruleg rannsókn bankahrunsins að ráðleggingum Evu Joly hefst innan fjórtán daga frá því við komumst í stjórn. Við munum upplýsa þjóðina hverjir reyna að hindra slíka rannsókn. - Stefna XO -

 

2. LEIÐRÉTTA SKULDASTÖÐU HEIMILANNA NÚNA STRAX:

Hvers Vegna?
Heimilin eiga rétt á því að stjórnvöld leiðrétti stöðu þeirra strax, því að í janúar 2008 vissu stjórnvöld að hrunið væri handan við hornið en héldu því leyndu fyrir almenningi. Heimilin í landinu báru ekki ábyrgð á bankahruninu og það er siðlaust að láta þau bera skuldirnar sem af því hlutust.

Hvernig?
Til að leiðrétta stöðu heimilanna verður vísitala verðtryggingar færð handvirkt fram fyrir hrunið til janúar 2008 þegar heimilin hefðu sjálf getað leiðrétt sína stöðu hefðu stjórnvöld ekki haldið hruninu leyndu.

Hvenær?
Þetta leiðréttum við fyrstu fjórtán dagana í stjórn. Verðtryggingin verðu svo afnumin á sex til tólf mánuðum. - Stefna XO -

3. LÝÐRÆÐISUMBÆTUR TIL FRAMTÍÐAR:

Hvers Vegna?
Almanna vald verður áfram notað í þágu sérhagsmuna ef það starfar í skjóli leyndar og við litla ábyrgð. Lýðræði þrífst við upplýsingar og pólitíska ábyrgð. Valdhafar þurfa að taka ábyrgð á gjörðum sínu oftar en á fjögurra ára fresti. Almenningur þarf önnur úrræði til að reka vanhæfa ríkisstjórn en að berja saman búsáhöldum.

Hvernig?
Stjórnlagaþing 600 borgara úr þjóðskrá sem tryggir þverskurð af þjóðinni eins og Ragnar Aðalsteinsson mælir með kemur saman í haust. Við treystum landsmönnum til að festa í nýja stjórnarskrá ákvæði um að ráðherrar sitji ekki á þingi, þingmenn og ráðherrar sitji ekki lengur en í tvö kjörtímabil og að þjóðin geti krafist þjóðaratkvæðagreiðslna, m.a. um vantraust á vanhæfa ríkisstjórn.
Leyndinni verður aflétt. Leyndinni yfir fjármálum stjórnmálamanna og flokka, leyndinni yfir orkuverð til álfyrirtækja og leyndinni yfir skilyrðum Alþjóðgjaldeyrissjóðsins um háa stýrivexti og niðurskurð.

Hvenær?
Leyndinni afléttum við um leið og við finnum upplýsingarnar. Við munum upplýsa þjóðina á fjórtán daga fresti um hvernig sú leit gengur og hverjir standa í vegi fyrir henni.
Stjórnlaga þing þjóðarinnar fyrir þjóðina verður í haust ef við fáum umboð frá ykkur til að koma því á. - Stefna XO -

 

- ÞEIR ÁBYRGU VERÐI DREGNIR TIL ÁBYRGÐAR -
- RÉTTLÁT LEIÐRÉTTING Á SKULDUM HEIMILANNA -
- ÞJÓÐIN BOÐAR TIL ÞJÓÐARATKVÆÐAGREIÐSLNA -

- KOMUM BORGARAHREYFINGUNNI Á ÞING - XO -

 

 

 

O-listi fengi fjóra

Viðvaranir korter fyrir hrun verja ekki vanrækslu til margra ára.

Það var nú gott að Davíð skyldi vara við hruninu og ef rétt reynist bera ráðamenn Sjálfstæðisflokks og Samfylkingar í ríkisstjórn enn meiri sök á því hve illa þeir brugðust við hruninu. En andstætt því sem Megas söng um árið, þá skal ekki böl bæta með því að benda á eitthvað annað.

 

Það er lítil vörn fyrir Davíð að vara við hruninu rétt fyrir það þegar hann sem forsætisráðherra einkavæddi bankana og setti ekki öruggt regluverk um þá, áður enn hann skar Þjóðhagsstofnun á háls og skar undan Samkeppnisstofnun sem hefðu getað varað okkur við hættum og komið í veg fyrir þær. Þetta var nógu slæmt ef hann hefi ekki síðan sest í stól seðlabankastjóra rifið niður flóðgarða bindiskyldunnar sem heftu innstreymi ódýrs fjármags sem var að blása upp efnahagslífið og setja heimili landsins í hættu.

Davíð í Kastljósviðtali

Stjórnlagaþing: Annað ólýðræðislegt Fulltrúaræði?

Eftir að Fulltúaræðið feldi Ísland fjárhagslega eru fáir sem treysta atvinnu stjórnmálamönnunum sem sátu sem fulltrúar í stjórn landsins. Fulltrúaræðið feldi Ísland því Fulltrúarnir gátu farið sínu fram í fjögur ár, án þess að borgararnir gætu látið þá fjúka.

Felum ekki öðru Fulltrúaráði óskorað vald til að fara sínu fram við að semja nýja stjórnarskrá. Ólýðræðislegt Stjórnlagaþing með Fulltrúum sem geta farið sínu fram án þess að eiga á hættu að borgararnir geti látið þá fjúka er ekki treystandi til að semja lýðræðislega stjórnarskrá fyrir borgarana.

Treystum ekki aftur í blindni á Fulltrúaráð til að vinna að okkar velferð. Ef við viljum virkara lýðræði verðum við að taka þátt í að vinna að því. Smelltu hér til að taka þátt í Lýðveldisbyltingunni!

Samþykkja stjórnlagaþing

Vírusvörn: Ráð til að skera út sýkta ríkisstjórn.

Þar sem vírus leggst gjarnan á reglugerðarmennina þurfum við einhver ráð til að skera út ríkisstjórn sem er sýktir af skinsemisskorti, skapbrestum eða sérhagsmunagæslu. Í Fulltrúa Lýðræði er fulltrúunum sjálfum treyst til að skera á völd sín verði þeir sjúkir. Við þurfum stýrikerfi þar sem borgararnir geta krafist þjóðaratkvæðagreiðslu og með vantrausti komið ríkisstjórninni frá völdum án óeirða. Við þurfum ekki að lifa við núverandi stýrikerfi Fulltrúaræðisins.

Fulltrúa Lýðræði (Fulltrúaræði): Lýðurinn ræður til hvaða Fulltrúa hann afsalar sér völdum á nokkurra ára fresti. (Vírusinn fær að grassera hjá ráðamönnum)

Handhafa Lýðræði: Lýðurinn ræður hvaða Handhafa hann afhendir völd sín, án þess að afsala réttinum til að taka þau aftur. (Borgararnir hafa ráð til að skera út sýktar ríkisstjórnir)

Beint Lýðræði: Lýðurinn ræður hvenær skuli fara fram þjóðaratkvæðagreiðsla um lagafrumvörp, og borgararnir geta lagt fram frumvörp til stjórnarskrárbreytinga og komið þannig Beint að ákvörðunartöku í ríkinu. (Borgararnir geta komið að gerð stýrikerfisins). - Svisslendingar hafa þennan stjórnarskábundna rétt. -

Ísland getur orðið fyrsta Beina Handhafa Lýðræði heims.
Taktu þátt í að koma okkur þangað: www.lydveldisbyltingin.is
Meira um Beint Handhafa Lýðræði hér: Kjósum Beint Handhafa Lýðræði

Uppfært í Ísland 2.0

Ríkisstjórnin hvetur til ofbeldis.

Ríkisstjórnin veit vel að sinnuleysi hennar gagnvart spyllingu og skeytingarleysi hennar gagnvart þjóðinni, leiðir á endanum til ofbeldis.

Ríkisstjórnin fékk sín völd með því vilyrði að hún verndaði það sem er borgurunum verðmætt. Hún stóð ekki við sinn hluta sáttmálans og neytar að gefa eftir völdin sem við treystum þeim fyrir.

Þegar lögleg mótmæli falla á dauf eyru ráðamanna leitar annars löghlíðið fólki með sjálfsvirðingu annarra leiða. Ofbeldinu linnir þegar ríksistjórnin segir af sér og það vita ráðherrar.

Ríkisstjórnin er ábyrg fyrir áframhaldandi ofbeldi, hvort sem þer sem fyrir því verða eru almennir borgarar eða lögreglumenn.

Lögregla beitti kylfum

FULLTRÚA LÝÐRÆÐI: Fullur réttur Geirs til að Ráða yfir Lýðnum

Í FULLTRÚA LÝÐRÆÐI afslar Lýðurinn völdum yfir velferð sinni til Fulltrúa á fjögurra ára fresti í von um að þeir verndi það sem er lýðinum verðmætt. Í FULLTRÚA LÝÐRÆÐI hafa Fulltúar Fullan lagalegan rétt til að Ráða yfir Lýðnum. FULLTRÚA LÝÐRÆÐI er í raun "FULLTRÚARÆÐI YFIR LÝÐNUM"

Ef við viljum ekki að sagan endurtaki sig þurfum við að losna undan Fulltrúum sem trúa að þeir hafi fullan rétt til að fara í fjögur ár með okkar vald eins og þeir vilja. Við þurfum Handhafa, sem vita að valdið hafa þeir úr höndunum borgara sem geta haft það af þeim, ef þeir hætta að hugsa um þeirra hagsmuni. Við þurfum Beint Lýðræði til að leiða inn lagabreytingar sem handhafar okkar leggjast allir gegn eða stöðva lagafrumvörp um þeirra sérhagsmuni sem ganga gegn okkar eigin. Beint Handhafa Lýðræði þarf að festa í Stjórnarskrá! Taktu þátt hér!

Fyrir meira um Beint Handhafa Lýðræði smelltu hér!

Ekki á kosningabuxunum

Kjósum Beint Handhafa Lýðræði - Afsölum ekki aftur völdum til fulltrúa í fjögur ár.

Á fjögurra ára fresti samþykkjum við að afsala valdi yfir velferð okkar og ástvina til hóps kjörinna fulltrúa, með því skilyrði að þeir hugsi um okkar hagsmuni og noti valdið til að vernda það sem er okkur verðmætt. Þegar fulltrúarnir standa ekki við sinn hluta sáttmálans, ýmist vegna skinsemisskorts, skapbresta eða sérhagsmunagæslu, höfum við engin lagaleg úrræði til að standa ekki við okkar hluta og koma valdinu í hendur traustara fólks. Þetta er Fulltrúa Lýðræði.

Stærsta efnahagshrun heimsins miðað við höfðatölu fær fulltrúa okkar ekki til að láta af þeim völdum sem við treystum þeim fyrir. Það eina sem við getum lagalega gert er að mæla til með að þeir geri það. En þegar lögleg mótmæli falla á dauf eyru, leitar hugrakt og annars löghlýðið fólk sem hefur sjálfsvirðingu annarra leiða.

Þurfum við að framselja valdumboð okkar skilyrðislaust til fulltrúa á fjögurra ár fresti án nokkurra lagalegra úrræða til að stöðva eftirlaunafrumvörp eða koma frá völdum ríkisstjórn sem er rúin trausti?

Nei! Við getum fest vald okkar borgaranna í stjórnarskránna. Bæði vald til að endurheimta valdumboð okkar og vald til að koma beint og milliliðalaust að breytingu á lögum og stjórnarskrá með þjóðaratkvæðagreiðslu. Þetta er Beint Handhafa Lýðræði.

Handhafa Lýðræði.
Í Handhafa Lýðræði veitum við kjörnum handhöfum umboð til að taka ákvarðanir í okkar nafni, án þess að afsala þessu valdi okkar. Ef okkur sýnist handhafarnir hættir að hugsa um okkar hagsmuni getum við með undirskrift 10% kjörbæra borgara krafist þjóðaratkvæðagreiðslu um vantraust á handhafana innan 100 daga, þar sem meirihluti kjósenda getur svipt þá valdsumboðinu og boðað til nýrra kosninga.

Tíðar þjóðaratkvæðagreiðslur um vantraust munu halda handhöfunum við þeirra eina viðfangsefni: að hugsa um hagsmuni borgaranna.

Beint Lýðræði.
Eftir fordæmi Svisslendinga afsölum við ekki valdi okkar í Beinu Lýðræði til að koma beint og milliliðalaust að ákvörðunum um landslög og stjórnarskrá. Ef handhafar okkar samþykkja ríkulegt eftirlaunafrumvarp úr okkar vasa, og okkur finnst þeir ekki eiga skilið, getum við í beinu lýðræði eins og Svisslendingar með undirskrift 1% kjörbæra borgara krafist þjóðaratkvæðagreiðslu um frumvarpið. Ef við sjáum ágalla í stjórnarskránni, rétt eins og í dag, getum við við í beinu lýðræði að hætti Svisslendinga lagt fram breytingartillögu með undir skrift 1% kjörbæra borgara sem þyrfti að samþykkja í þjóðaratkvæðagreiðslu með tveimur þriðju hluta kjósenda.

Tíðar þjóðaratkvæðagreiðslur um landslög mun ala upp upplýsta þjóð sem lætur atvinnustjórnmálamenn ekki aftur leiða sig að feigðarósi.

Beint Handhafa Lýðræði.
Ef við viljum ekki að sagan endurtaki sig þurfum við að losna undan Fulltrúum sem trúa að þeir hafi fullan rétt til að fara í fjögur ár með okkar vald eins og þeir vilja. Við þurfum Handhafa, sem vita að valdið hafa þeir úr höndunum borgara sem geta haft það af þeim, ef þeir hætta að hugsa um þeirra hagsmuni. Við þurfum Beint Lýðræði til að leiða inn lagabreytingar sem handhafar okkar leggjast allir gegn eða stöðva lagafrumvörp um þeirra sérhagsmuni sem ganga gegn okkar eigin.

Beint Handhafa Lýðræði þarf að festa í Stjórnarskrá! Taktu þátt hér!

Eins og kom fram í Silfri Egils á sunnudaginn er vinna að stjórnarskábreytingum til að tryggja okkur meira lýðræði hafin á glæsilegri síðu þar sem allir borgarar þessa lands geta á lýðræðislegan hátt komið að breytingunum: www.lydveldisbyltingin.is

Þú þarft ekki að afsala þér völdum yfir velferð þinni og þinna á fjögurra ára fresti. Taktu þátt hér!

Mótmælendur umkringdu Geir