Ríkisklukkan og Sannleikurinn í Sovíet.

"Það er einkennilegt ef við hugsum út í það að ríkið, hið opinbera, valdhafar, ákveði hvað klukkan er. Það er mjög áhugavert í sjálfu sér. Það er svona eins og þegar valdhafar í Sovétríkjunum ákváðu á sínum tíma að í dag væri ekki svona kalt, það væri heitara. Þeir gáfu út yfirlýsingar í aðaltímariti Sovétríkjanna, Pravda, Sannleikanum. Sannleikurinn var að það væri heitara en raunverulega var. Það var til þess að fólk kynti ekki jafn mikið þann daginn."

Fólk í Sovítríkjunum kynti þegar það var kalt og við eru ófærari til vinnu og náms klukkan 6:30 á morgnanna þó að ríkisklukkan slái 8:00. 

 

Ríkisklukkan: 

 

 

Yfirvinnutaxtinn (smá húmor í lokin :): 

Heimilin í skjól þar til lögmæti lánanna sé ljóst.

Fyrsta lagafrumvarp sem Píratar frumfluttu í dag miðar að því að koma heimilum landsins í tímabundið skjól frá nauðungarsölu að kröfu Íbúðalánasjóðs. 

 

Jón Þór Ólafsson, fluttningsmaður frumvarpsins og þingmaður Pírata.

 

Kostir frumvarpsins:

1. Frumvarpið tekur aðeins til Íbúðalánasjóðs. Innanríkisráðherra hefur sett sig alfarið upp á móti því að stöðvar séu nauðungarsölur kröfuhafa og ber þar fyrir sig eignarrétta þeirra sem tryggður er í stjórnarskrá. En Íbúðalánasjóður er í ríkiseigu og Alþingi hefur stefnumótunarvald yfir sjóðnum, svo þau mótrök ráðherra ná ekki til hans.

2. Samhljóðandi frumvarp var flutt og samþykkt á Alþingi í tvígang á síðasta kjörtímabili. Frumvarpinu verður því ekki vísað frá vegna formgalla og gerir afgreiðslu þess í nefnd auðveldari.

3. Flutningsmenn frumvarpsins eru úr Framsóknarflokki, Bjartri Framtíð, Samfylkingu og Pírötum.

 

Gallar frumvarpsins: 

1. Frumvarpið tekur aðeins til Íbúðalánasjóðs. Það mun því sem lög aðeins veita helmingi heimila landsins sem eru með lán sín hjá sjóðinum skjól. Þetta er aðeins fyrsta skrefið og eru flutningsmenn frumvarpsins að þrýsta á að öllum heimilum landsins verði komið í skjól sem fyrst. 

Hún Hanna Birna sem Innanríkisráðherra ætti að beita öllum tiltækum ráðum síns embættis til að vernda réttarstöðu lántakenda lögum samkvæmt. Við munum nota öll tiltæk ráð til að þrýsta á að svo verði. Við erum rétt að byrja.

 

Stefna Pírata í skuldamálum heimilanna er skýr:

1. Leita allra leiða til að stöðva nauðungarsölur á heimilum landsmanna þar til dómstólar taka af allan vafa um lögmæti lánanna sem á þeim hvíla. (Fyrsta skrefið stigið með þessu frumvarpi)

2. Að landsmenn fái úr réttarstöðu sinni skorið fyrir dómsstólum óháð efnahag. (Næsta mál á dagskrá)

3. Að sá skaði sem landsmenn hafa orðið fyrir vegna nauðungarsalna og gjaldþrota vegna óréttmætrar málsmeðferðar eða ólöglegra lána sé leiðréttur.

Elsa Lára Arnardóttir, meðfluttningsmaður og þingmaður Framsóknar.

Íbúðalánasjóður fresti nauðungarsölum tímabundið.

Hér er fréttin í DV sem ég vísa til í ræðunni sjá hér. 
Hér er lagafrumvarpið um tímabundna stöðvun á nauðungarsölum Íbúðalánasjóðs, sjá hér.

Ósættin á stjórnarheimilinu veikir samningsstöðu Íslands. (Myndskeið)

Grímulaus hagsmunagæsla SMÁÍS fyrir 365 fjölmiðla. (Myndskeið)

ATH: Ég bendi á að ég segi ranglega að: "Snæbjörn Steingrímsson, framkvæmdastjóri SMÁÍS, ætlar að leggja fram kæru á hendur Tali og Netflix öðrum hvorum megin við helgina fyrir brot á lögum um höfundarétt." Hið rétta er auðvitað að það er Flix.is en ekki Netflix. 

Lögfræðingar Pírata: "Löglegt að versla við Netflix á Íslandi."

Í ritstjórnarpistli Fréttablaðsins "Ruglið í rauða hliðinu" fyrir ári bendir Ólafur Þ. Stephensen fyrst á að: "Hámarksverðgildi eins hlutar, sem má koma með inn í landið án þess að borga toll, er 32.500 krónur" Og svo bætir hann við að auðvitað eigi bara að: "hætta að koma fram við fólk sem hefur verzlað í útlöndum eins og glæpamenn. Það er neytendum í hag, stuðlar að því að innlend verzlun fái hæfilega samkeppni."

Það er ekkert nýtt að við getum verslað Netflix löglega frá erlendum netveitum fyrirtækisins með því að notast við erlendar IP tölur. Lögfræðingar okkar Pírata hafa staðfest að slíkt sé löglegt. Mánaðar áskrift af Netflix kostar tæpar 1100 krónur "sem er neytendum í hag og stuðlar að því að innlend verzlun fái hæfilega samkeppni." Í þessu tilfelli er það 365 miðlar sem Ólafur starfar hjá sem fær hæfilega samkeppni.

Ég er ánægður viðskiptavinur Netflix og hef þess vegna ekki notað torrent síður lengi vel. Sú hegðun er algeng eins og rannsókn frá Noregi fyrr á árinu sýnir. Með tilkomu Spotify og Netflix þar í landi hefur ólögleg dreifing tónlistar dregist saman um 82,5% og kvikmynda um meira en helming á árunum 2008 til 2012.

Því fleiri sem nota Netflix, og sambærilegar netveitur, því meiri verður þrýstingurinn á að hefja starfsemi þeirra á Íslandi. Þá hagnast listamenn, neytendur og nýju netveiturnar. Ólafur Þ. Stephensen og hans menn munu hins vegar tapa á fjárfestingum sínum í 20 aldar viðskiptamódeli.

Fyrsta þingsályktunartillaga Pírata. (Myndskeið)

Endurskoðun stjórnarskrár lýðveldisins Íslands

 Sjá þingsályktunina í heild hér.
 Sjá ferli málsins hér.

 

Hanna Birna gæti haft heimildir til að verja eignarrétt lántakenda.

Dómur Evrópudómstólsins 14. mars á þessu ári segir skýrt að ekki megi selja heimili fólks nauðungarsölu án dómsúrskurðar, jafnvel þó lánasamningar segi að svo megi.

Dómurinn byggir á neytendaverndar tilskipun frá Evrópusambandinu sem hefur verið leidd í íslensk lög. Stóra spurningin fyrir lántakendur er því hvort þessi neytendavernd eigi við á Íslandi. 

Um þennan dóm Evrópudómstólsins segir Innanríkisráðherra Hanna Birna Kristjánsdóttir í þingsal í dag að hann sé: "ekki endilega talin eiga við hér á landi." (sjá myndskeið að neðan)

En Hanna Birna hefur heimild í Lögum um lögbann og dómsmál til að vernda heildarhagsmuni neytenda til að hefja dómsmál til að fá úr því skorið hvort Hæstiréttur telji lögin "eiga við hér á landi."

Hvað tefur ráðherra í því að fá úr því skorið hvort þessi leið til að verja eignarrétt lántakenda sé fær?

 

Umræðuna í heild má sjá hér á vef Alþingis

Eignarréttur lántakenda (umræður á Alþingi í september)

Spurningin sem ég mun halda áfram að spyrja Hönnu Birnu innanríkisráðherra í haust, í vetur og í vor, allt þar til svör fást er:

 "Hvaða leiðir eru færar til að verja eignarrétt lántakenda án þess þó að brjóta á eignarrétti kröfuhafa?"

 

 Í myndskeiðinu að neðan eru sérstakar umræður um Eingarrétt Lántakenda
sem ég óskaði eftir með Hönnu Birnu í lok sumarþingsins.

 

Mannúðleg hægristefna.