Þetta eru gildi landsmanna Sigmundur Davíð

 

Á þjóðfundinum 2009 komu saman 1231 landsmenn valdir af handahófi til að safna saman hugmyndum og tillögum af því samfélagi sem Íslendingar vilja sjá vaxa og dafna á komandi árum. Af þeim 30.000 tillögum og hugmyndum var heiðarleiki afgerandi mikilvægasta gildið. Þar á eftir komu virðing, réttlæti og jafnrétti. Á fundinum varð til framtíðarsýn á hverju borði og voru orðin samfélag, menntun, heilbrigðisþjónusta og auðlindir landsmönnum mikilvæg.

Á þjóðfundinum 2010 komu saman 950 landsmenn valdir af handahófi til að fjalla um þau gildi sem leggja skyldi til grundvallar nýrri stjórnarskrá og ræða innihald stjórnarskrárinnar út frá þeim. Þar var mikið kallað eftir virkara og beinna lýðræði, meiri valddreifingu og aukið aðhald með valdhöfum.

Það kom því ekki á óvart að meirihluti landsmanna í þjóðaratkvæðagreiðslunni 2012 vilja grundvalla nýja stjórnarskrá á tillögum Stjórnlagaráðs sem vann tillögur þjóðfundarins að miklu leiti áfram inn í lagafrumvarp.

Gildi og framtíðarsýn landsmanna eru bæði mannúðleg, réttlát og skynsöm. Grunnstefna Pírata snýst um að landsmenn geti gert þessa sýn að veruleika.

Sigmundur: Fólk orðið leitt á leiðindum

Athugasemdir

[Jónas Ómar Snorrason, 25.6.2015 kl. 18:27]

NÚVERANDI STJÓRNARFLOKKAR VORU Á MÓTI TILLÖGUM AÐ NÝRRI SJÓRNARSKRÁ, hvað segjir það okkur, ekkert nema það, að þeir flokkar vilja viðhalda stórkostlegri misskiptinu í þjóðfélaginu. 

[Elín Sigurðardóttir (IP-tala skráð) 25.6.2015 kl. 20:52]

Þetta eru ofboðslega falleg orð en grunnstefna Pírata talar hæst í flugvallarmálinu.

[Snorri Hansson, 25.6.2015 kl. 23:11]

Þessi grein er innantóm froða.

[Margrét (IP-tala skráð) 26.6.2015 kl. 00:22]

Það sem kom frá þjóðfundinum 2009 og 2010 og varð drög að nýrri stjórnarská var komið frá fólkinu í landinu (þverskurður af landsmönnum)með lýðræðislegu úrtaki. Það var bara LÍÚ sem stoppaði allt af því að þar leyndist ákvæði um að auðlindir landsins ætti ekki að vera í einka eigu. Samt kusu svo landsmenn allir um þetta ákvæði í kosningum 2012.

Atkvæði féllu þannig um spurningar 1-6:

1. Vilt þú að tillögur stjórnlagaráðs verði lagðar til grundvallar frumvarpi að nýrri stjórnarskrá?

Já, ég vil að tillögur stjórnlagaráðs verði lagðar til grundvallar frumvarpi að nýrri stjórnarskrá

Atkvæði        hlutföll
73.408          64,2 %

Nei, ég vil ekki að tillögur stjórnlagaráðs verði lagðar til grundvallar frumvarpi að nýrri stjórnarskrá

Atkvæði        hlutföll
36.252            31,7 %

Það er löngu komin tími til að henda gamla danska plagginu og koma með nýja stjórnarskrá. Sú staðreind er enginn froða.

[Jón Ólafur (IP-tala skráð) 26.6.2015 kl. 00:27]

Auðlidir eru landsmönnum mikilvægar:

Með reglugerð 553/2015 er ráðherra að gera makrílkvótann framseljanlegan, frjálst framsal á makrílkvóta.

b)2 mgr. veður svohljóandi:frjálst framsal á makrílkvóta.

Frjálst framsal á sameign þjóðarinnar er ekki hægt að gera með einfaldri reglugerðarbreitingu, til þess þarf lagafyrmæli, sem stenst 72.gr Stjórnarskrárinnar.

Nú þarf að kalla lögfræðisvið PÍRATA  úr sumarfríi með hraði, og taka þetta fyrir STRAX.

[Finnur Birgisson (IP-tala skráð) 26.6.2015 kl. 01:19]

1231 þúsund landsmenn ... ?

[Óðinn Þórisson, 26.6.2015 kl. 07:13]

Hefur þú hugleitt forsetaframboð ?

[Jón Valur Jensson, 26.6.2015 kl. 14:21]

Hvers vegna ávarpar Jón Þór Sigmund Davíð hér?

Þykjast Píratar heiðarlegri en forsætisráðherrann?

Í hverju lýsir það sér?

Tökum tvö dæmi:

1) Er það heiðarlegt í félagi, þar sem maður er kosinn í stjórn á stofnfundinum, að formaðurinn (kona) tilkynni honum mörgum mánuðum seinna, án félagsfundar, hvað þá aðalfundar, að hún vilji ekki lengur hafa hann í stjórn og muni ekki boða hann á stjórnarfundi? En þetta gerði sú kona, sem nú er "kafteinn Pírata", Birgitta Jónsdóttir, í Tíbetvinafélaginu vegna skrifa minna um málefni á allt öðru sviði, sem kom Tíbetum ekkert við. (Nánar hér: Yfirlýst jákvæði Pírata og Birgittu er ekki það sama og efndir).

2) Er það heiðarlegt af fulltrúa Pírata í borgarstjórn, Halldóri Auðar Svanssyni, að halda með engum hætti á loft stefnu Pírata í málum Reykjavíkurflugvallar, stefnu sem mótuð hafði verið fyrir borgarstjórnarkosningarnar síðustu og kynnt sem stefnumál flokksins, m.a. á vefsíðu hans? Þar segir til dæmis:

• STJÓRNSÝSLA OG LÝÐRÆÐI

• Boðið verði upp á aukið íbúasamráð og kosningar um mál sem í meðferð eru innan stjórnsýslunnar.

Hefur einhver frétt af kosningu þessara aðila um hið stóra flugvallar­mál?! Þvert gegn vilja 73% Reykvíkinga og þvert gegn mestu undirskriftasöfnun Íslandssögunnar, nær 70.000 manns, forðast vinstri meirihlutinn í borgarstjórn eins og heitan eldinn að leyfa fólkinu að ráða! -- Sjá nánar hér:

Halldór Auðar Svansson óvirðir kjósendur sína - þjónar hinum vinstri flokkunum í flugvallarmáli

Spurningin er: Lét Halldór yfirboð vinstri flokkanna þagga niður í sér? Vitað er, að ein meginkrafa hans vegna myndunar meirihlutans var, að stofnað yrði "lýðræðisráð" á vegum borgarinnar, þar sem Píratar fengju mikil áhrif. Nú er komið í ljós, að sú nefnd kostar 100 milljónir króna. Er það algengt með nefndir borgarinnar? Hver er hlutur Halldórs sjálfs og e.t.v. fleiri Pírata?

Svo tala menn hér um stefnu Þjóðfundarins 6. nóvember 2010, og sumir vilja í   framhaldi, að stjórnarskrárdrög hins óöglega skipaða "stjórnlagaráðs" verði að stjórnarskrá okkar! En stjórnlagaráðið, sem á hræsnisfullan hátt vísaði til ályktana Þjóðfundarins, óvirti freklega margítrekaða áherzlu Þjóðfundarins á mikilvægi fullveldisréttinda lýðveldisins. En billega, ESB-væna 111. grein bjó "ráðið" til í "stjórnarskrá" sinni, þar sem framsal fullveldis var gert mjög auðvelt í hættulega einfaldri aðgerð. Í sinni 67. grein bundu svo hinir "illu ráðsmenn" svo um hnútana, að eftir á (eftir inntöku landsins í Evrópusambandið) væri EKKI hægt að krefjast þjóðaratkvæðagreiðslu um uppsögn á þjóðréttarsamningi um það! Það mátti sem sé fara inn, en ekki út!

Þetta var ekki vilji Þjóðfundarins! Og það er ekki "heiðarlegt" af manni, sem minnir á hið ágæta heiðarleika-princíp Þjóðfundarins, að taka síðan afstöðu með þessari stjórnarskrártillögu hins ólögmæta "ráðs", sem hafði aðeins ólöglegt umboð frá 30 alþingismönnum, en ekkert frá þjóðinni.

[Þarfagreinir, 26.6.2015 kl. 18:47]

Sæll vertu Jón Valur,

Það er ekki rétt að stjórnkerfis- og lýðræðisráð kosti 100 milljónir og gott væri að fá að vita hvaðan þú hefur þá tölu. Það gengur varla að menn séu að hafa hver eftir öðrum staðlausa stafi og nota rangar tölur til að reyna að varpa rýrð á persónur fólks. Rétta talan fyrir 2014 var rétt rúmar 9 milljónir. Þetta er eðlilegur nefndakostnaður innan kerfisins og langmest af þessu fer í laun nefndarmanna. Þó ekki mín, þar sem það er innan minna starfsskyldna að sitja í að minnsta kosti einu ráði af þessu tagi þannig að ég fæ ekkert greitt fyrir það sérstaklega. Þeir sem eru hins vegar á launum eru þeir fulltrúar í ráðinu sem ekki eru borgarfulltrúar; þeir fá greitt sérstaklega. Enginn þeirra er Pírati. Einu sinni hef ég samt kallað inn varamann á fund þar sem ég var erlendis og fékk sá Pírati greitt sérstaklega fyrir þá fundarsetu. Þetta gera allir flokkar oft í öllum ráðum og nefndum.

Um hvort tveggja, kostnað við ráðið og þá staðreynd að ekkert af því fellur í minn hlut, hef ég upplýst opinberlega, meðal annars á fundum borgarstjórnar, og liggur þetta því allt saman fyrir. Góð vísa verður þó greinilega aldrei of oft kveðin fyrst enn er spurt um þetta og ýjað að því að ég kunni að vera að þiggja himinháar fjárhæðir fyrir mína vinnu.

Í því ljósi er rétt að bæta við atriði sem ég hef ekki upplýst um formlega áður, sem eru heilarlaun mín hjá borginni, en þau eru útborguð samkvæmt bankayfirlit hjá mér á bilinu um 420 þúsund upp í um 450 þúsund. Ekki veit ég alveg af hverju þau eru misjöfn eftir mánuðum þar sem ég hélt að þau væru föst - en þetta liggur þá allavega fyrir. Mín launakjör eru væntanlega sambærileg við aðra oddvita (fyrir utan Dag borgarstjóra) enda er þetta allt saman niðurnjörvuð í samþykktum borgarinnar. Þó ég hefði einhvern snefil af áhuga á því að sækja mér frekari bitlinga býður kerfið mér ekki upp á það. Sem betur fer. Við borgarfulltrúarnir vinnum bara eftir okkar launataxta sem rúmar okkar skyldur og ég allavega óska mér ekkert umfram það. Við þetta er svo þó að bæta að ég fæ útborguðar tæpar 60 þúsund krónur fyrir setu mína í stjórn Sorpu fyrir h0nd Reykjavíkurborgar. Aðrar tekjur hef ég ekki.

Allt þetta er þér frjálst að hafa eftir og fá staðfest frá öðrum en mér ef þú hefur áhuga á því og ég er til svars ef þú hefur fleiri spurningar um mín starfskjör. Er það ekki betra en að borið sé slúður og dylgjur milli manna?

Kv.

Halldór

[Jón Valur Jensson, 26.6.2015 kl. 22:00]

Ég heyrði þessa tölu núna í vikunni á Útvarpi Sögu.

Ágætt að þú upplýstir um þessa nefnd, takk fyrir það, Halldór.

En laun borgarfulltrúa eru allt of há miðað við það sem maður hefur heyrt um litla vinnuskyldu þeirra. Ertu sammála því? Og svo bætist ofan á fyrir nefndar setu í 2., 3. og fleiri nefndum! ef um er að ræða.

[Jack Daniel's, 28.6.2015 kl. 10:34]

Þegar maður horfir á hegðun stjórnvalda í dag, einstakra ráðherra og hvernig meirihlutinn misnotar miskunnarlaust vald sitt til að koma í lög málum sem bitna hvað verst á þeim tekjulægstu í þjóðfélaginu, þá sér maður alltaf betur og betur að sú stjórnarskrá sem þjóðin valdi 2012 er lífsnauðsynleg áður en valdaklíkan og auðvaldið nær öllum völdum í þessu þjóðfélagi.  Nógu er ástandið orðið slæmt nú þegar fyrir tekjulægstu hópana í þjóðfélaginu.

Svo er það annað sem fer óendanlega í taugarnar á mér og það eru þeir illa innrættu og illa gefnu vesalingar sem reyna allt sem þeir geta til að tala niður þá sem eru heiðarlegir og vilja vinna að hag allra landsmanna með því að ljúga upp á þá með öllum tiltækum ráðum.
Jón Valur, Páll Vilhjálms og þessi Snorri eru skýrt dæmi um einstkalinga eru bæði ótrúverðugir og hafa ítrekað reynt að ljúga upp tölum, orðum og gerðum á þá sem eru sjallaframmsóknarflokksmaskínunni mótfallnir.  Alveg er ég handviss um þetta lið er allt á launum hjá þessum flokkum, undir borðið enda er það þeirra stíll.

[Jón Ólafur (IP-tala skráð) 29.6.2015 kl. 14:06]

Það kemur verulega á óvart að PÍRATAR skuli samþykkja þinglok á föstudaginn,gegn því að geyma makrílfrumvarpið til haustsins.        Því reglugerð ráðherra um makrílinn reglugerð 532/2015 sem kvótasetur smábátana í makríl, þar sem 2/3 af markrílflota smábáta (ca.100 bátar) er gjörsamlega rústað, eftir dýrar breytingar á bátunum, á sama tíma sem sjómenn  á uppsjáfarskipunum sem hafa farið í skoðunarferðir inn fyrir 12 mílurnar við Suðurströndina, hafa orðið vitni að gríðarlegu magni af vaðandi makríltorfum, á alllri grunnslóðinni, sem þeir hafa ekki séð áður.

Auðvitað á ekki að semja um nein þinglok, fyrr en ráðherrann dregur til baka í Rglugerð kvótasetningu smábáta í makríl, því þetta er níðingsverk af verstu gerð, á sama tíma sem sjómenn  vitna um þetta mikla magn,og er að rústa lífríkinu á grunnslóð, til allrar framtíðar. Vonandi standa píratar í lappirnar í þessu máli, því það eru þjóðarhagsmunir í húfi,síðan er hægt að spyrja sig hvort þjóðin eigi ekki að fá kjósa um það hvort smábátar eru settir í kvóta, eða algjörlegar frjálsar makrílveiðar fyrir þá.

[Jón Valur Jensson, 29.6.2015 kl. 15:36]

 Það verður sízt sagt, að Jack þessi, sem hér skrifaði í gær, sé vandur að orðum sínum -- fer með grímulausar ásakanir á hendur mönnum án minnstu sannana. En hitt gat hann, varið þá sem rufu friðhelgi þjóðsöngs okkar og þjóðhátíðardags. Af því tilefni orti ég:

 

Daníels-Jack

ver dóna-pakk

og fer á flakk 

í fjasi.

Öll hans "rök"

eru arfaslök,

þrungin skröki 

og þrasi.

[Halldór Guðmundsson (IP-tala skráð) 29.6.2015 kl. 21:18]

Tek heilshugar undir með Jóni Ólafi hér að ofan, það er níðingsverk af verstu gerð, að rústa smábátaútgerðinni á makríl svon gjörsamlega.

Dreg verulega í efa að Reglugerðin hjá ráðherranum standist fyrir dómi. 8gr. laga Nr. 38/1990 "skal aflahlutdeild úthlutað á grundvelli aflareinslu síðustu þriggja veiðitímabila,

Semsagt ráðherran á að nota árin 2014-2013-og 2012 en ekki árin þar á undan alveg til 2008.

Síðan dreg ég í efa að kvótasetning í reglugerðinni standist 75.gr. Stjórnarskrárinnar,"Öllum er frjálst að stunda þá atvinnu sem þeir kjósa. Þessu frelsi má þó setja skorður með lögum, enda krefjist almannahagsmunir þess"                                    Semsagt ráðherran getur rústað makrílveiðum smábáta með lögum en ekki með Reglugerð.

[Þarfagreinir, 29.6.2015 kl. 21:54]

Stutta svarið við nýjustu spurningu þinni, Jón Valur, er að ég myndi sjálfur alveg sætta mig við eitthvað minna, enda hef ég aldrei verið á jafn háum launum þrátt fyrir að vera sérfræðimenntaður. Vinnuskylda borgarfulltrúa er þó nokkuð sem er kannski ekki jafn niðurnjörvað og í 'venjulegri' vinnu. Vissulega er ekki ýkja margt sem við erum beinlínis skylduð til að gera en álagið getur samt sem áður verið mikið hjá þeim sem taka starfið alvarlega (sem ég held að allir geri). Það er margt sem þarf að setja sig inn í og ýmsir fundir sem er gott að mæta á þó slíkt sé ekki beinlínis skylt. Ég kvarta ekki yfir óhóflegu álagi en líkt og er með launin hef ég aldrei verið undir meira vinnuálagi en þetta rétt rúma ár sem ég hef verið borgarfulltrúi.

[Kristbjörn Árnason, 30.6.2015 kl. 16:51]

Þetta eru góð gildi og þau eru ekki ný. Þetta eru í raun sömu gildin og kristnir menn hafa viljað tileinkað sér samkvæmt boðskap Jesú. Nákvæmlega sömu gildin og vinstri menn hafa staðið vörð um  í 100 ár. 

En þaðð er rétt að þetta eru ekki þau gildi sem valdakerfin hafa dálæti á hvar sem þau hafa komið sér fyrir.

[Halldór Guðmundsson (IP-tala skráð) 1.7.2015 kl. 22:19]

Með þingskjali 1571, á nú að lögbinda frjálst framsal á makríl í lögum um stjórn fiskveiða 116/2006 9.gr. Því er spurt hvernig er hægt að veita heimild á sölu á sameign þjóðarinnar makrílnum? sölu á því sem maður á ekki, vonandi látið þið ekki plata ykkur. Búnir að rústa makrílveiðum smábáta,sem ættu að vera algjörlega frjálsar á grunnslóð, nú verður að segja stopp hingað og ekki lengra.