Praktísk stjórnmálaþáttaka 101

Vinur minn vildi vita hvernig hann gæti "tekið virkari þátt í pólitík." Hann er á annarri önn í stjórnmálafræði í Háskóla Íslands og vantaði praktísk ráð. Hann bauð mér upp á kaffi og tækifæri til að taka saman það praktískasta sem rekið hefur á mínar fjörur til að ná árangri í stjórnmálastarfi.


Þekktu sjálfan þig.
Til að ná árangri í því sem krefst langtíma vinnu er mikilvægt að þekkja sjálfan sig. Peter Drucker faðir nútímastjórnunar sagði að fólk sem þekkir sín gildi, styrkleika og starfsumhverfi sem það þrífst vel í veit hvort og hvernig það getur unnið verk. Það sóar ekki tíma sínum og orku í það sem skilar ekki hámarks árangri. 

Í 'Managing Oneself' tekur Drucker saman þessa þrjá grundvallar hluti til að vita um sjálfan sig.
Hér er svo samantekt sem ég tók saman á einni blaðsíðu.
Hér að lokum er svo besta verkfæri sem ég hef rekist á til að finna þessa þrjá þætti um sjálfan sig.

Þekktu "leikinn" og leikmennina.
Leikir eins og skák skapa ramma, hugtök og vettvang til að skilja og þjálfa hugsun sem skilar árangri í hernaði, já og pólitík. Rétt eins og lobbýistar hafa atvinnu af því að hafa áhrif á þá sem fara með pólitískt vald, þá má skilgreina stjórnmálamenn sem þá sem hafa atvinnu af því að koma sér í stöðu sem fer með pólitískt vald. Það skiptir því stjórnmálamenn sköpum, þegar nær dregur kosningu eða skipan í valdastöður, að vera álitinn ákjósanlegasti kosturinn hjá þeim sem ráða hver situr hvar. Slíkt álit má kalla pólitískt kapítal. Til að áætla og hafa áhrif á það hvernig stjórnmálamaður beitir áhrifum sínum og völdum þá er nauðsynlegt að sjá hvað veldur honum álitshnekki og kostar hann því pólitískt kapítal, og hvernig hann getur vaxið í áliti og orðið sér þannig úti um meira af því.

Nánari útskýring á praktískri nálgun á skiptimynd stjórnmálamannsins, pólitískt kapítal, má lesa í grein sem ég tók saman um þingstarfið.
Dýpri greining á stjórnmála"leiknum" er hægt að lesa um í bók sem ég skrifaði 2008, The Game of Politics - A Game Manual, sem öllum er frjálst að hala niður og deila án endurgjalds.

Byggðu á árangri.
Ekkert er eins árangursríkt og árangur - 'Nothing succedes like success'. Drucker benti á að einblína á það sem þú getur gert sem skilar hámarks árangri. Sér í lagi ef það er eitthvað sem engin getur gert jafn vel. 

Stjórnmálaflokkar eru knúnir áfram af sjálfboðaliðum. Sér í lagi flokkar sem hafa ekki verði í aðstöðu til að skipa sitt fólk í launaðar stöður hjá hinu opinbera. Biblían um árangur við skipulag í sjálfboðaliðastarfi er Managing the Non-Profit Organization eftir Drucker.

Athugasemdir

[Anna Sigríður Guðmundsdóttir, 27.1.2016 kl. 21:00]

Sæll Jón Þór. Ég þakka þér fyrir að taka enn þátt í umræðunni hér á bloggvettvanginum, þrátt fyrir að vera hættur á alþinginu ESB-heimsveldisbanka-hertekna. Ég er þakklát fyrir að enn séu til svona félagslega/hugsjónalega velviljaðir og fjárhagslega tjáningarfrjálsir einstaklingar eins og þú virðist vera, hér á Íslandi í dag.

Því miður eru of margir einstaklingar ekki með það sterka bakland og frelsi sem þú virðist hafa Jón Þór minn.

Það er hreini indíána-andinn sem drífur þig áfram, og þann anda er ekki hægt að misskilja. (Ég kalla þig stundum ,,svarta Hauk baráttu réttlætisins" í huganum. Því þú ert eins og óstöðvandi baráttumaður fyrir löglegu réttlæti. Svona eins og ég hef skilið réttlætis-andanna kraft indíánanna visku.

Sumir eru kannski ekki með jafn sterkt bakland eins og þú, þrátt fyrir að vilja jafn vel og þú.

Við þurfum öll að hjálpast að, sem erum á hugsjónadrifnu réttlætisbrautinni kerishindrandi og torfæru.

Vertu dyggur, trúr og tryggur þinni hugsjón, þinni sannfæringu, og þinni réttlætiskennd. Og þá verður þú, og við hin líka, ríkari í smitandi andanum frá þinni útgeislun og baráttuanda.

Ég held ég skilji hvernig þú ert innréttaður í andanum Jón minn, og það eru mikil réttlætisverðmæti í þínum orðum og verkum. Haltu réttlætisbaráttunni áfram Jón Þór, og þá margfaldast þín réttlætisbarátta í samfélaginu.

M.b.kv.

[Anna Sigríður Guðmundsdóttir, 27.1.2016 kl. 23:22]

Leiðrétting: ...kerfishindrandi og torfæru...