Hve dýr má einstakur ráðherra vera?

Viðbrögð ráðherra dómsmála við lekanum sem hennar handvaldi aðstoðarmaður hefur verið ákærður fyrir mun líklega enda á borði þingsins sem tillaga um kæru til landsdóms.

Rannsókn Umboðsmanns Alþingis er til að meta hvort hann þurfi að gera skýrslu vegna "stórvægilegra mistaka eða afbrota stjórnvalds" lögum samkvæmt. Ef það verður raunin geta þingmenn ekki vikið sér undan því að leggja fram tillögu um kæru á hendur ráðherra. Þá mun ríkisstjórnin hafa slæman málstað að verja í það minnsta fram á næsta vor. Það mun veikja stöðu hennar til annarra verka. Hvort og hverjir ákveða að taka varnarstöðuna mun best sjást á árásum á Umboðsmann Alþingis. Því meðan hann nýtur trausts geta þingmenn ekki hundsað hans embættisverk.

Hve dýr má einstakur ráðherra vera? Þurfa mikilvægir embættismenn sem rannsaka möguleg brot ráðherra áfram að víkja og mikilvæg embætti að tapa trausti svo að einstakur ráðherra fái áfram að sitja?

_____________

Uppfærsla 28/08/2014 kl. 12:49:

Eftir nánari athugun er ólíklegra að ráðherra verði kærður til landsdóms, en líklegra að það verði svo óvinsælt að verja hann vantrausti að ráðherra verði látin segja sjálfur af sér.

Í skýrslunni Eftirlit Alþingis með Framkvæmdarvaldinu sem forsætisnefnd Alþingis lét gera árið 2009 kemur fram að: "Lög um ráðherra ábyrgð [sem gefa tilefni til ákæru til Landsdóms] eiga hins vegar aðeins við um fullframin brot. [...] Tilraun til brota samkvæmt ráðherraábyrgðarlögum eru því sennilega refsilaus."

Í lögum um ráðherraábyrgð eru tiltekin í 8 - 10 gr. þau brot sem varða ráðherraábyrgð. Þó ráðherra virðist hafa gert tilraun til að framkvæmd lögreglurannsóknar "myndi fyrir farast" þá virðist það ekki hafa tekist vegna faglegra viðbragða Lögreglustjórans í Reykjavík sem leitaði til Ríkissaksóknara og upplýsti svo Umboðsmann Alþingis um málavexti.

Þá er aðeins um það brot að ræða hvort ráðherra "misbeitir stórlega valdi sínu." En um það ákvæði segir í skýrslunni: "Það getur verið álitamál hvenær brotið er gegn 10. gr. þar sem ákvæðið er mjög almennt orðað."

Eftir stendur skýrslan sem Umboðsmaður Alþingis er að rannsaka hvort tilefni sé til að gera lögum samkvæmt vegna "stórvægilegra mistaka eða afbrota stjórnvalds." Fylgist því með árásunum á Umboðsmann Alþingis. Þar er annar embættismaður sem verður fyrir árásum við að sinna lögbundnu eftirliti með því að rannsaka möguleg brot ráðherra í starfi.

Því ef Umboðsmaður Alþingis sem er æðsta eftirlitsstofnun Alþingis með stjórnsýslunni gerir skýrslu þar sem fram koma afbrot ráðherra, þá verður erfitt að verja ráðherra vantrausti án þess að grafa undan Umboðsmanninum og embættinu.

 

 

 

 

 

Óánægð með vinnubrögð umboðsmanns

Athugasemdir

[Óskar Helgi Helgason (IP-tala skráð) 27.8.2014 kl. 12:19]

Sæll Jón Þór - og aðrir gestir þínir !

Ráðherra- og ráðherfu afæturnar / mættu hafa cirka 350.000. Krónur í mánaðarlaun - ÁN ALLRA AUKAFRÍÐINDA: og geri svo vel að nota sína eigin bíla - til þess að fara á milli staða.

Reyndu - að koma þessu: að 62 menningunum samþingmönnum þínum Jón minn.

Gæti verið góð byrjun - á ærlegu hreinsunar starfi / eftir áratuga- og aldagamalt sukk alþingismanna !!!

Með beztu kveðjum - af Suðurlandi /

[Anna Sigríður Guðmundsdóttir, 27.8.2014 kl. 14:11]

Jón Þór. Ég reikna með að þú vitir töluvert mikið um margt hér á landi, sem ekki er opinberlega sagt frá.

Snýst þetta lekamálastríð um hvort hér á landi eigi áfram að vera spillt lögregluríki, með lögregluverndaða eiturlyfja/vændissölu hvítflibbamafíu undirheima?

Eða er þetta lekamál pólitískt heimsveldis-einokunarstríð trúarbragða/banka-villimennsku?

Ég reikna ekki með að þú getir svarað þessum spurningum mínum, því þeir eru teknir úr umferð sem segja satt og rétt frá.

En vonandi vekja þessar vangaveltur mínar um staðreyndir Íslands, einhverja til umhugsunar. Margir trúa því nefnilega enn, að á Íslandi hafi spillingin byrjað árið 2007.

M.b.kv.

[Predikarinn - Cacoethes scribendi , 27.8.2014 kl. 16:44]

Sæll Jón Þór.

Er það alveg á hreinu að um leka hafi verið að ræða ? Við þurfum að horfa til reynslu annarra þjóða í svona málum á tölvuöld.

Ágúst H. Bjarnason verkfræðingur hefur bent á möguleika í þessu lekamáli og má lesa um hann hér á bloggi Halldórs Jónssonar verkfræðings :

http://halldorjonsson.blog.is/blog/halldorjonsson/entry/1433978/

[Húsari. (IP-tala skráð) 28.8.2014 kl. 00:30]

Sæll Jón.

Allir menn eru dýrari en svo að tilgangurinn
helgi meðalið til að koma þeim á knén.

[Hrólfur Þ Hraundal, 28.8.2014 kl. 08:48]

Þegar Náttúran gerir árás á þjóðvegi þá skapast kostnaður við að lagfæra þá.  Þegar her ræðst inn í land þá skapast kostnaður við að verja það.  Þegar veður eða menn brjótast hús, þá skapast kostnaður við að lagfæra tjónið. 

Er þetta nokkuð svo ill skiljanlegt herra Jón Þ. Ólafsson?   

Þegar ráðist er að einstaklingi, embættismanni eða starfsmanni, í þeim einum tilgangi að stela af viðkomandi ærunni þá skapast kostnaður við að verjast þjófunnum.  Hvar er þýfið sem ráðherrann og starfsmaður hans eiga að hafa stolið?  Hver er kostnaðurinn við þá herför sem þú leggur lið? 

Hver hefur með höndum þetta ætlaða þýfi?  Hvar hefur orðið vart við þetta þýfi?  Að stela sannleikanum er ljótur leikur og að leika sér að lífi annarra eins og tröll með fjöregg  er til jafns við tilraun til morðs.        

       

[Eyjólfur G Svavarsson, 28.8.2014 kl. 09:50]

Jón! það mætti byrja á því að minka fríðindi Ráðherra og þingmanna´til dæmis að láta þá borga fyrir Heyrnartæki eins og Lífeyrisþegar þurfa að gera, og borga fyrir Gleraugu eins og Líeyrisþegar þurfa að gera,að borga inn á heilsuræktarstöðvar eins og Lífeyrisþegar þurfa að gera, og borga í sund eins og Líeyrisþegar þurfa að gera.Og færa þennan afslátt til þeyrra sem Svokölluð velferðarstjórn Jóhönnu Sigurðrdóttir tók af þeim sem ekki áttu fyrir mat!!!!!!!!!!

[Ásthildur Cesil Þórðardóttir, 28.8.2014 kl. 10:42]

Þetta er fyrst og fremst spurning um hvort við viljum vera lýðræðisríki þar sem allir eiga að vera jafnir fyrir lögum og reglum. Eins og þetta er í dag virðast sumir jafnari en aðrir, það á ekki síst við um valdaklíkurnar í þjóðfélaginu. Óþolandi að sjá hvernig er tekið silkihönskum á allskonar brotum og agaleysi ráðamanna, hverjir svo sem í hlut eiga.

Sorglegast er samt að sjá að sumt fólk getur ekki séð hlutina í samhengi. Það er enginn aðför að einum eða neinum í þessu alvarlega máli, heldur er verið að reyna að finna út hvað fór rangt, og dómsmálaráðherrann hefur svo sannarlega vafið sjálfa sig rækilega í net lyginnar og spillingarinnar. Þetta hefði aldrei orðið svona, ef hún hefði haldið sig innan laga og reglna. En hún eins og svo margir aðrir telja sig geta gert nánast hvað sem er án þess að fá á baukinn, það er hættulegast af þessu öllu. Og við eigum ekki að líða það.