Tími frá útgáfu að umræðu um skýrslur á þingi.

Um eftirlitsstörf Alþingis segir í 49. gr. þingskaparlaga: "Alþingi, þingnefndir og einstakir alþingismenn hafa eftirlit með störfum framkvæmdarvaldsins." Ákvæðinu er ætlað að uppfylla 14. gr. stjórnarskrárinnar. Til að sinna þessu stjórnarskrárbundna eftirlitshlutverki hafa þingmenn og þingnefndir m.a. heimild í þingsköpum til að kalla eftir skýrslum og fá umræðu um þær í þinginu. Til að eftirlitshlutverkinu sé sinnt með sóma þurfa þingmenn að geta kynnt sér efni skýrslu vel fyrir umræðu í þingsal. Það eru því óvönduð þingsköp sem heimila þingforseta að setja langar og ítarlegar rannsóknarskýrslur á dagskrá degi eftir birtingu. Flutningsmenn vilja með þessu frumvarpi laga þá brotalöm og bæta þannig störf Alþingis.

Á mannamáli: 
Alþingi kallar eftir skýrslu til að hafa eftirlit með stjórnvöldum sem hafa húsbóndavald yfir þingforseta sem setur skýrsluna sem fyrst undir stól. Stay classy Alþingi :)

En á þessu er einföld lausn og hafa þingmenn allra minnihlutaflokkanna á þingi lagt fram lagafrumvarp um að "ekki skal taka lokaskýrslu rannsóknarnefndar til umræðu í þinginu fyrr en í fyrsta lagi þremur nóttum eftir birtingu hennar."

Athugasemdir

[Heimir Lárusson Fjeldsted, 11.4.2014 kl. 18:45]

Síðuhafi hefur ekki aukið veg Alþingis, nema síður sé.

[Guðmundur Ásgeirsson, 11.4.2014 kl. 19:32]

En hefur sú ákvörðun að taka á annað þúsund blaðsíðna skýrslu til umfjöllunar í fjórar klst. innan við sólarhring eftir britingu hennar, aukið veg Alþingis?

Hvað finnst þér um það Heimir?

[Heimir Lárusson Fjeldsted, 11.4.2014 kl. 20:12]

Ekki vil ég bera í bætifláka fyrir hraðsuðu Alþingis.

Síðuhaldari sem kvartar yfir tímaskorti, hefur þó tíma í þessa ósmekklegu færslu og loddaraskap í ræðustól, sem hann hefur síðan iðrast svo sem glöggt má sjá.

Ekki fór mikið fyrir ábyrgri umræðu af hans hálfu.

Það voru bullukollar fyrir á Alþingi, en á síðasta ári bættist of margir í þann hóp.

Ég leyfi mér að viðra skoðanir mínar á þessum vettvangi því ég greiði laun síðuhaldara og er óánægður með vinnuframlag hans.

[Anna Sigríður Guðmundsdóttir, 11.4.2014 kl. 22:32]

Jón Þór. Þegar ég verð farin að skilja alþingis-stimpilstofnunina, þá verður tímabært að leggja mig inná einhverja geymslustofnunina vegna meðvirkni með spillingunni.

Ég er viss um að mjög margir réttar/embættiskerfissviknir skilja nákvæmlega hvað þú varst að segja með þessu táknmáli. Þeir sem ekki skilja þetta, eru ekki meðvitaðir um hvernig ástandið er í raun og veru á mörgum heimilum á Íslandi, eða þeir eru orðnir dofnir og ónæmir fyrir ástandinu, eða það er þaggað niður í þeim með. Ísland er mafíurekin eyja.

Afneitun á raunverulegum erfiðleikum mjög margra blekktra, svikinna og niðurbrotinna einstaklinga bætir ekkert.

M.b.kv.

[Anna Sigríður Guðmundsdóttir, 11.4.2014 kl. 22:37]

...þaggað niður í þeim með kúgunum...

[Vilhjálmur Örn Vilhjálmsson, 12.4.2014 kl. 11:53]

Einkunnarorð Jóns

Þegar ég er þyrstur,
þá drekk ég.
Þegar ég er þreyttur,
þá sef ég

Og þegar ég er trylltur

þá ríf ég tíuþúsundkalla