Réttmætt að landsmenn viti um raunverulega eigendur banka.

Mögulega vissu stjórnvöld og Alþingi ekki um blekkingar á eignarhaldi þeirra sem ríkið seldi eignarhlut í Búnaðarbankanum. Til að endurtaka ekki þau mistök þarf eignarhald þeirra sem kaupa í bönkum á Íslandi að vera gegnsærra.

Stjórnarsáttmáli Sjálfstæðisflokks, Viðreisnar og Bjartrar Framtíðar segir: "upplýsingaskylda opinberra aðila gagnvart almenningi efld. Ríkisstjórnin mun í öllum störfum sínum hafa í heiðri góða stjórnarhætti og gagnsæja stjórnsýslu."

Frumvarp Pírata um tilkynningarskyldu fjármálafyrirtækja kallar eftir þessu gegnsæi. Fyrirspurn mín (er í lestri á nefndarsviði, útbýtt á morgun) til fjármálaráðherra kallar eftir hans aftöðu um að landsmenn fái að vita hverjir séu raunverulegir kaupendur af eignarhlut ríkisins nýverið í Arion banka.

Svo er mikilvægt og í dag kölluðum við Smári McCarthy þingmaður Pírata eftir því að þingnefndir fái upplýsingar Fjármálaeftirlitsins um raunverulegt eignarhald aðilanna sem keyptu í Arion banka sem þingnefndir geta gert samkvæmt 51.gr. laga um þingsköp.

Í kjölfarið getur Stjórnskipunar- og eftirlitsnefnd gert athugun á ákvörðunum og verklagi fjármálaráðherra við söluna á hlutnum í Arion banka samkvæmt 8. lið 13.gr. laga um þingsköp, í ljósi reynslunnar frá rannsóknarnefndinni og í ljósi þess að eignarslóð kaupenda endar á aflandseyju. Og kallaði ég eftir því á opna fundinum sem horfa má að neðan.


mbl.is Kanna verklag ráðherra vegna sölu
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Þorsteinn Siglaugsson

Það er sjálfsagt og eðlilegt að þegar ríkið selur eignir sé skilyrði að vitað sé hverjir kaupendurnir eru. Það kemur þó vissulega ekki endilega í veg fyrir fléttur eins og þá sem var á ferðinni við sölu Búnaðarbankans: Það virtist liggja ljóst fyrir hver kaupandinn var. En síðar kom á daginn að hann átti ekki hlutinn nema í skamman tíma og allt var umsamið fyrirfram. Síðan hafa engar skýringar fengið á því hvert stór hluti þess fjár sem græddist á þessum viðskiptum rann. Einhverja grunar að fleiri hafi verið þátttakendur í fléttunni en Ólafur Ólafsson og kannski væri ekki úr vegi að rannsaka í kjölfarið fjárhag vissra áberandi stjórnmálamanna á þessum tíma sem miklu réðu um þessa einkavæðingu.

En hvað söluna á Arion hlutnum varðar þá er það ekki ríkið sem er að selja heldur kröfuhafarnir. Og þá gegnir svolítið öðru máli en ef um ríkiseignir er að ræða.

Þorsteinn Siglaugsson, 29.3.2017 kl. 20:29

2 Smámynd: Jón Þór Ólafsson

Já rétt, mín mistök.

1. Upplýsingar um endanlegt eignarhald gerir svona fúsk miklu erfiðara, en nei menn geta fundið aðrar leiðir.
2. Svo það þarf skýrari lög sem gera þetta enn erfiðara og kostnaðarsamara fyrir lögum að leyna eignarhaldi.
3. Já það þarf frekari rannsókn eins og samþykkt þingsályktun frá 2012 sagði um einkavæðingu allra viðskiptabankanna þriggja.

Jón Þór Ólafsson, 29.3.2017 kl. 21:23

3 Smámynd: Guðmundur Ásgeirsson

Vel gert Jón Þór.

Af þessu tilefni væri kannski vert að glugga í þessi lög:

64/2006: Lög um aðgerðir gegn peningaþvætti og fjármögnun hryðjuverka

;)

Guðmundur Ásgeirsson, 29.3.2017 kl. 23:38

Bæta við athugasemd

Hver er summan af fimm og þremur?
Nota HTML-ham

Innskráning

Ath. Vinsamlegast kveikið á Javascript til að hefja innskráningu.

Hafðu samband