Hegðun Bjarna Ben í kjaramálum síðustu ár. Hræsni?

Svona hefur Bjarna Ben hegðað sér í kjaramálum síðustu ár:

- 2015. - Ekki hægt að gera leiðréttingar 10 ár aftur í tíman fyrir heilbrigðisstarfsfólk í verkföllum. Samþykkti svo lög á verkföllin.

- 2016. - Fær hækkanir á eigin launum sem hann styður að miðist við árið 2006. Hmm... en það eru 10 ár aftur í tíman.

- 2018. - Kýs gegn lækkun eigin launa (þ.e. að hans launahækkun þurfi að miða við árið 2013 eins og flest launafólk) þrátt fyrir að hans launahækkun hafi valdið hættulegri ósátt.

- 2019. - Krefst lækkunar launa ríkisforstjóra sem valda hættulegri ósátt.

Orðabókin segir að það að: "fordæma e-ð í fari annars sem maður gerir sjálfur" heiti hræsni.

Þessi hegðun hefur kynt undir þá hættulegu stöðu sem upp er komin á vinnumarkaði, með massífum verkföllum framundan.
Þetta er ekki rétta leiðin.

Sakaði fjármálaráðherra um hræsni

Ævintýri Jóns Forseta: "Ágreiningur um ræðutíma."

Það er ekki alltaf leiðinlegt á forsetastóli :)

Við Sigmundur Davíð tókumst á um leikreglur Alþingis (6:45-8:40). Og já það er rétt gagnrýni hjá Karli Gauta og Ólafi Ísleifs að þingflokkarnir hafa allt of mikil völd yfir þingmönnum eins og ég benti á í grein 2015: "Tíu lexíur í þingstarfinu."

Lögskýring:
Karl Gauti bendir réttilega á að 95 grein þingskaparlaga segi til um ræðutíma sem hann á rétt á sem þingmaður.
Svo er það 86 greinin 2 málsgrein sem heimilar þingforseta, með samþykki þingflokksformanna , að takmarka ræðutíma allra þingmanna, þ.m.t. þingmanna utan flokka. Og já það er ósanngjarnt að mínu mati.

#MeToo sigur samfélagsins og Miðflokkurinn fór undir stjórnarvagninn.

Sigur fyrir #MeToo byltinguna á Íslandi #ÍSkuggaValdsins og okkur öll. Þingmaður sem sagði um ráðherra landsins að "Þarna loksins kom skrokkur sem typpið á mér dugði í [...] Þú getur riðið henni, skilurðu" þurfti að víkja úr trúnaðarstöðu fyrir Alþingi Íslendinga sem formaður þingnefndar.

Atburðarásin á Alþingi í kjölfar Klausturupptakanna:

1. Bergþór sagðist ætla að sitja áfram sem nefndarformaður.

2. Minnihluti nefndarinnar ásamt Rósu Björg VG sagði "Nei" og lagði til að Bergþór myndi víkja en hann sjálfur ásamt öðrum í stjórnarþingmönnum vísuðu tillögunni frá.

3. Forysta meirihlutans á þingi lagði til að Bergþór yrði varaformaður nefndarinnar.

4. Minnihlutinn á Alþingi sagði "Nei" Bergþór gæti ekki setið í trúnaðarstöðu fyrir Alþingi eftir orð hans um ráðherra og aðrar konur, og segist muni halda áfram að taka málið upp í þingsal og á fundi nefndarinnar ef hann víki ekki.

5. Eftir 3 vikna þrásetu leggur Bergþór loks til að hann víki og í staðinn fái þingmenn meirihlutans í nefndinni bæði nefndarformanninn og báða varaformennina, í stað þess að velja annan úr eigin flokki sem minnihlutinn hafði boðið Miðflokkinum.

6. Stjórnarþingmenn í nefndinni þiggja gjöf Bergþórs um nefndarformennsku.

7. Frjálslyndi þingminnihlutinn á þingi sendir skýr skilaboð til þings og þjóðar að þingmaður sem segir um ráðherra landsins að "þarna loksins kom skrokkur sem typpið á mér dugði í" víki úr trúnaðarstöðum fyrir Alþingi Íslendings.

Stórsigur fyrir okkur sem viljum ekki samfélag þar sem ríkir hræðsla um kynferðislega og kynbundina áreitni og ofbeldi.

Bergþór lætur af formennsku

Miðflokksmaðurinn sem stendur við #MeToo-áliktun þingsins

Degi eftir að Bergþór Ólason Miðflokki ákvað að sitja áfram í trúnaðarstöðu Alþingis sem nefndarformaður hefur Birgir Þórarinsson samflokksmaður hans:

1. bæði gefið út yfirlýsingu að ekki sé rétt að Bergþór og Gunnar Bragi gangi að trúnaðarstöðum á Alþingi vísum, og

2. skorað á þingmenn að berj­ast gegn kyn­ferðis­legu áreiti og of­beldi gegn þing­kon­um.

Í kjölfar #HöfumHátt og #MeToo umræðunnar á Íslandi #ÍSkuggaValdsins þar sem konur í stjórnmálum lýsa fjandsamlegri hegðun gagnvart sér á vettvangi stjórnmálanna samþykkti Alþingi samhljóða þingsályktun að:

"þingmenn skuldbindi sig til þess að leggja sitt af mörkum til að skapa heilbrigt starfsumhverfi innan þings sem utan, sem sé laust við kynbundna og kynferðislega áreitni [...] Jafnframt að það sé skylda hvers og eins þingmanns að hafna slíku hátterni."

Þingmenn allra flokka voru meðfluttningsmenn tillögunnar. Fyrir Miðflokkinn var það Þorsteinn Sæmundsson, sem sagði í ræðu um málið að það væri:"[...] rétt og góð ákvörðun að lýsa því yfir strax [...] að Alþingi Íslendinga ætli ekki að þola [...] kynferðislegt áreiti og dólgshátt [...] í stjórnmálunum."

Áliktanir Alþingis eru ómarktækar, og þingmenn sem hana samþykktu ómerkir orða sinna, ef þingmenn sem svíkja #MeToo-áliktun þingsins fá áfram að gegna trúnaðarstöfum fyrir Alþingi.

Birgir ætlar greinilega að standa við #MeToo-áliktun sem hann gaf þingi og þjóð síðasta vor. Hvað með Þorsteinn Sæmundsson?

Meinsemd sem viðgengst hér á landi

Skilaboðin til kvenna ef Bergþór situr í skjóli þingmeirihluta.

Aðeins kjósendur geta fjarlægt þingmenn af Alþingi. En það er á ábyrgð þingsins hver gegnir trúnaðarstörfum Alþingis, eins og embætti forseta Alþingis og formennsku í nefndum.

Hver eru skilaboðin til kvenna í stjórnmálum ef þingmeirihlutinn ákveður að Berþór Ólason sitji áfram í trúnaðarstöðu fyrir Alþingi?

Alþingi samþykkti jafnréttislög sem segja:

1. gr. 1.mgr.
Markmið laga þessara er að koma á og viðhalda jafnrétti og jöfnum tækifærum kvenna og karla og jafna þannig stöðu kynjanna á öllum sviðum samfélagsins."

2. gr. 1.mgr. 3.liður.
Kynbundin áreitni: Hegðun sem tengist kyni þess sem fyrir henni verður, er í óþökk viðkomandi og hefur þann tilgang eða þau áhrif að misbjóða virðingu viðkomandi og skapa aðstæður sem eru ógnandi, fjandsamlegar, niðurlægjandi, auðmýkjandi eða móðgandi fyrir viðkomandi.

24. gr. 1. mgr.
Hvers kyns mismunun á grundvelli kyns, hvort heldur bein eða óbein, er óheimil. [...] Enn fremur telst kynbundin áreitni eða kynferðisleg áreitni til mismununar samkvæmt lögum þessum [...]

Í kjölfar #HöfumHátt og #MeToo umræðunnar á Íslandi #ÍSkuggaValdsins þar sem konur í stjórnmálum lýsa fjandsamlegri hegðun gagnvart sér á vettvangi stjórnmálanna í nóvember 2017, hélt Alþingi Rakarastofuráðstefnu í byrjun febrúar í 2018, þar sem allir flokkar lýstu vilja sínum að vinna gegn slíkri hegðun.

Alþingi samþykkti svo samhljóða 5. júní þingsályktun, með atkvæði Bergþórs:

"þingmenn skuldbindi sig til þess að leggja sitt af mörkum til að skapa heilbrigt starfsumhverfi innan þings sem utan, sem sé laust við kynbundna og kynferðislega áreitni [...] Jafnframt að það sé skylda hvers og eins þingmanns að hafna slíku hátterni."

Þingmenn allra flokka voru meðfluttningasmenn tillögunnar. Fyrir Miðflokkinn var það Þorsteinn Sæmundsson sem sagði í ræðu um málið að:

Upptakan af ræðu Þorsteins Sæmundssonar:

"Ég held að út af fyrir sig hafi ekkert okkar verið reiðubúið undir það sem við höfum fengið að heyra hér undanfarin misseri um kynferðislegt áreiti og dólgshátt víða um þjóðfélagið, í stjórnmálunum o.s.frv. Ég held því að það hafi verið rétt og góð ákvörðun að lýsa því yfir strax með þessari breytingu að Alþingi Íslendinga ætli ekki að þola slíka framkomu af þeim sem hér vinna, eiga sæti eða eiga leið um. [...] Ég lít svo á að við séum út af fyrir sig aldrei í fríi, við alþingismenn. Við erum alltaf við störf hvar sem við erum staddir. Við erum alltaf fulltrúar þeirra sem veittu okkur brautargengi til að vera hér og við erum fulltrúar þingsins hvar sem við erum."

Það er þrjár leiðir í leikreglum þingsins (þingskaparlögum) til að víkja formanni nefndar úr því trúnaðarembætti Alþingis:

1. Þingflokkurinn sem fékk úthlutað formennsku getur valið annan þingmann úr flokkinum til að gegna formennskunni. Það getur Miðflokkurinn gert á morgun:

16. gr. 1.mgr.
Heimilt er þingflokkum að hafa mannaskipti í nefndum. Ósk um slík mannaskipti skal lögð fyrir forseta er tilkynnir um hana á þingfundi. Sé óskað atkvæðagreiðslu um mannaskiptin skal forseti láta ganga til atkvæða um þau á þingfundi.

2. Meirihluti þingmanna í nefndinni geta kosið nýjan formann á næsta fundi nefndarinnar, en þingmenn meirihlutans vísuðu slíkri tillögu frá í umhverfis- og samgöngunefnd í morgun:

14. gr.4.mgr.
Nefnd getur hvenær sem er kosið að nýju formann eða varaformenn ef fyrir liggur beiðni meiri hluta nefndarmanna og fellur þá hin fyrri kosning úr gildi er ný kosning hefur farið fram.]

3. Þingflokkar sem vilja ekki hafa Berþór í forsvari fyrir trúnaðarstörf Alþingis geta lagt til nýja uppröðun á nefndarformennskum, t.d. að annar þingmaður Miðflokksins verði nefndarformaður, og kosið um það í þingsal:

14. gr. 1.mgr.
[Formenn þingflokka skulu á þingsetningarfundi [hér myndi þurfa afbrigði frá þingsköpum] leggja fram við kosningu fastanefnda, sbr. 13. gr., og við kosningu alþjóðanefnda, sbr. 35. gr., tillögu um skipun nefndanna, svo og varamanna í þeim. [...] Í tillögunni skal jafnframt tilgreina hvernig embættum formanns, 1. varaformanns og 2. varaformanns í fastanefndum er skipt milli þingflokka.

 

Frávísun ekki stuðningur við Bergþór

Fórnar Bjarni Ben stöðuleikanum fyrir eigin launahækkun?

Bjarni Ben segir: "[...] stjórn­völd ætla sér og hafa skyldu til þess að vinna að stöðug­leika hér í efna­hags­mál­um og við mun­um ekki skilja Seðlabank­ann ein­an eft­ir í að vinna að því hlut­verki."

Þá hefur Bjarni skyldu til að leggja til lækkun launa ráðherra og þingmanna til samræmis við almenna launaþróun. Hann hafnaði því í vor þegar við Píratar lögðum það til í annað sinn.

Davíð Oddsson og Halldór Ásgrímsson og Alþingi allt var sammála um að ef launaþróun ráðamanna fer umfram almenna launaþróun landsmanna þá ógni það friði á vinnumarkaði og efnahagsstöðuleika, eða eins og það er orðað í frumvarpi Halldórs sem byggir á texta úr frumvarpi Davíðs:
"að ekki sé hætta á að úrskurðir Kjaradóms raski kjarasamningum þorra launafólks og stefni þar með stöðugleika í efnahagslífinu í hættu [...] „Kjararáð skal ætíð taka tillit til almennrar þróunar kjaramála á vinnumarkaði“."

Árið 1992:
- Kjaradómur hækkar laun ráðamanna umfram almenning.
- Davíð Oddsson setur fund á Þingvöllum og fær samþykkt lög gegn hækkuninni.

Árið 2016:
- Kjararáð hækkar laun ráðamanna langt umfram almenning.
- Stjórnarmeirihlutinn reynir enn að halda í hækkunina þrátt fyrir mikla ólgu á vinnumarkaði. - Sönn saga.

En Bjarni Ben er með frumvarp um nýtt fyrirkomulag launaþróunar ráðamanna þar sem hann getur lækkað eigin laun til að sína fordæmi. Ef honum er alvara að: "stjórn­völd ætla sér og hafa skyldu til þess að vinna að stöðug­leika hér í efna­hags­mál­um" eins og hann segir þá þarf hann að lækka launin sín og okkar á þingi í samræmi við almenna launaþróun frá 2013 sem 70% fólks á almenna vinnumarkaðinum hefur þurft að sætta sig við, það er "þorri launafólks" eins og segir í frumvarpi Davís og Halldórs, og það er fólkið sem var að klára sína kjarasamninga og getur farið í verkföll. Annars fórnar Bjarni stöðuleikanum fyrir eigin launahækkun.

Furðar sig á yfirlýsingum um hótanir

Almenningur má ávarpa þingfundi ef erlendir fulltrúar mega það

Daginn fyrir fullveldishátíðina og þingfundinn á Þingvöllum 18. júlí. var dagskrá fundarins kynnt formlega í forsætisnefnd. Ég gerði athugasemd og spurði hvort það væri löglegt að danski þingforsetinn myndi ávarpa þingfundinn. Sagði að mig minnti að það væri ekki heimilt samkvæmt lögum um þingsköp.

 

Þá sögðu Steingrímur þingforseti og skrifstofustjóri Alþingis að þetta væri allt löglegt og að fordæmi væru fyrir því. Rætt var um að þingforseti geti svo alltaf vikið frá lögum um þingsköp með stuðningi 2/3 hluta þingmanna. (Ljóst er þó að þingmenn eru eiðsvarðir að halda stjórnarskrána og er óheimilt að víkja frá henni.)

 

Svo kemur á daginn að lögfræðingar Alþingis eru búnir að úrskurða þegar Björn Leví vildi bjóða almenningi að ávarpa þingfundi að það sé brot á stjórnarskrá að bjóða öðrum en þingmönnum, ráðherrum og forseta Íslands að ávarpa Alþingi.

 

Björn Leví mun aftur leggja fram tillögu sína um sérstakan dagskrárlið einu sinni í mánuði þar sem óbreyttir borgarar, valdir af handahófi úr þjóðskrá, fái tækifæri að tjá sig úr ræðustól Alþingis.

Annað hvort braut Steingrímur stjórnarskrána þegar hann gaf Píu orðið á þingfundinum á Þingvöllum eða tillaga Björns Leví stenst stjórnarskrá.

Steingrímur J. bauð Piu á 100 ára fullveldishátíð Íslands

Steingrímur J. Sigfússon er engin nýgræðingur í stjórnmálum og veit vel að stjórnmál Piu Kjærs­ga­ard sundrar fólki. Samt bauð hann henni að halda ávarp á hátíðisdegi allra Íslendinga, 100 ára fullveldishátíð Íslands á Þingvöllum.

Eftir að hafa ákveðið þetta í apríl lét hann birta eina línu um það neðst í frétt á vef Alþingis sem fjallar um ferð hans til Danmerkur. En venjan er að upplýsa forsætisnefnd Alþingis formlega með góðum fyrirvara um gestakomur fulltrúa annarra ríkja, eins og gert var 19. janúar vegna heimsóknar sænska þingforsetans, en í þeirri fungargerð segir: "Lögð fram til kynningar drög að dagskrá heimsóknar forseta sænska þingsins til Íslands 31. janúar til 3. febr. nk."

Ég hef í dag leitað í öllum fundargerðum Forsætisnefndar Alþingis frá áramótum og Steingrímur J. sem forseti Alþingis virðist ekki hafa séð ástæðu til að upplýsa fulltrúa flokkanna í forsætisnefnd fyrr en í gær, degi fyrir hátíðarþingfundinn á Þingvöllum.

Steingrímur virðist bara hafa viljað ráða þessu sjálfur svo flokkarnir á Alþingi voru ekki upplýstir formlega fyrr en of seint var að afboða Piu. Á frönsku heitir þessi taktík: "Fait Accompli" eða aðgerð sem hefur verið náð fram áður en þeir sem hún hefur áhrif á geta snúið henni við.

Píratar sniðganga hátíðarfundinn

Vel tengdir barnaníðingar eru ísjakar sem sökkva ríkisstjórnum

Í ítarlegri frétt á Stundinni í dag kemur fram að forstjóri Barnaverndarstofu hafi "beitti sér fyrir því að prestssonur fengi að umgangast dætur sínar sem hann var grunaður um að misnota."

Jafnframt kemur fram að "Ásmundur Einar Daðason ráðherra barnaverndarmála vissi allt [í janúar] en hélt málinu leyndu fyrir Alþingi" þegar Halldóra Mogensen þingmaður Pírata spurði hann út í málið í þinginu í febrúar þá svaraði hann að: "Barnaverndarstofa eða forstjóri hennar hafi ekki brotið af sér með neinum hætti."

Allt síðasta sumar upplifðu landsmenn leyndarhyggju og tregðu valdhafa í málum sem þolendur kynferðisafbrota vildu fá upplýst og löguð. Þessi leyndarhyggja í málum kynferðisafbrota gegn börnum felldi ríkisstjórnina.

Robert Downey er bara toppurinn á ísjaka vel tengdra barnaníðinga sem valdafólk hefur verndað. Ríkisstjórn sem tekur ekki afgerandi stefnu frá þeim sem stunda slíka valdníðslu gegn börnum mun sökkva og drekkja fylgi sinna flokka.

Bjarni Ben samþykkti lög á verkfall ljósmæðra 2015.

Landlæknir varaði ríkisstjórn Bjarna Ben og Sigmundar Davíðs ítrekað við að lög á verkföll ljósmæðra og annars heilgræðisstarfsfólks vorið 2015 myndi ekki leysa vandan til lengri tíma. Þeir stöðvuðu samt verkfallið með lögum.

Fjölmargar ljósmæður hafa nú sagt upp og nú þarf ríkisstjórn Katrínar Jakobsdóttur að tryggja að samið verði við ljósmæður í sátt. Það verður ekki erfitt að réttlæta málþóf ef ráðherra og þingmenn sem þáðu 45% launahækkun 2016 ætla aftur að setja lög á verkföll ljósmæðra í dag.

Þegar Bjarni Ben samþykkti lög á ljósmæður og annað heilbrigðisstarfsfólk 2015: